13:59 / 29.10.2018
8120
Қошиқчи иши. Саудия бош прокурори Истанбулга келди
Фото: AFP

Саудия Арабистони бош прокурори Сауд ал-Муажиб Истанбулга етиб келди. Бу ҳақда Anadolu хабар бермоқда.

Агентлик маълумотларига кўра, ал-Муажиб саудиялик мухолиф журналист Жамол Қошиқчининг ўлдирилиши билан боғлиқ ҳолатни тергов қилмоқда.

Таъкидланишича, Саудия бош прокурори Саудия Арабистонининг бош консулхонасига ташриф буюришни режалаштирган, айнан шу ерда Қошиқчи изсиз ғойиб бўлганди.

Эслатиб ўтамиз, ОАВ Британия Қошиқчи бўйича режаларни аввалдан билгани ҳақида хабар қилганди.

The Daily Express'нинг ёзишича, Британия махсус хизматлари Ар-Риёд мухолиф журналист Жамол Қошиқчининг ўғирлаб кетилишига рухсат берганини аввалдан билган. Буюк Британия разведкасидаги номи ошкор этилмаган манбалар сўзларига кўра, Саудия Арабистони разведка хизматларининг ўзаро музокаралари тутиб олинган. Уларга гўёки журналистни ўғирлаш ҳақида буйруқ берилган, у, академик доираларда айтишларича, Ар-Риёд Яманда кимёвий қурол ишлатганини исботлашни мўлжаллаган. Буйруқ «подшоҳга яқин шахслардан» бири томонидан берилган, бироқ бу валиаҳд шаҳзода бўлмаган. Шу билан бирга, журналист қаршилик кўрсатадиган бўлса, вазиятга қараб ҳаракат қилиш лозим эди.

Мавзу
Жамол Қошиқчининг ўлими
The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди
Барчаси
Top