Internet tezligi bo‘yicha reyting e'lon qilindi. O‘zbekistonning o‘rni o‘zgardi

Irlandiyaning Ookla kompaniyasiga tegishli Speedtest.net internet-servisi Speedtest Global Index har oylik reytingni e'lon qildi, unda oktabr oyi yakunlari bo‘yicha dunyodagi simsiz va sim bilan ulanuvchi internet tezligi haqida ma'lumotlar mavjud.

Mobil internet tezligi bo‘yicha O‘zbekiston avvalgi pog‘onada qolgan - 124 o‘rindan 110-o‘rin (9,73 Mbit/s).

Sim bilan ulanuvchi internet tezligi bo‘yicha mamlakat ikki o‘rin yuqoriga ko‘tarildi va endi 130 o‘rindan 112-pog‘onani egallab turibdi (9,28 Mbit/s).

Norvegiya (67,17 Mbit/s) mobil internet tezligi bo‘yicha reyting yetakchisi bo‘lib, Singapur (181,47 Mbit/s) - sim bilan ulanuvchi internetda.

Eslatib o‘tamiz, avvalroq 1 dekabrdan O‘zbekistonda internet tezligi 10 barobarga oshishi va'da qilingandi.