Joriy yilning 3 dekabr kuni Samarqand viloyatining Ishtixon tumanida yashovchilar T.R., S.D. va uning ukalari B.D. hamda S.D. “Bog‘ixon” MFYda yashovchi U.Yu.ning uyida bezorilik oqibatida uning turmush o‘rtog‘i Sh.Yu.(ayol), otasi T.Yu., ukasi Sh.Yu. va 2 nafar qarindoshlarining turli joylariga urib-tepib jarohat yetkazganlar.
Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Ro‘y bergan hodisa oqibatida Sh.Yu. va uning 4 nafar qarindoshi kasalxonaga yotqizilganlar. T.R., S.D. va uning 2 nafar ukasi qo‘lga olingan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
