Magnitogorskdagi uyda gaz portlashi va shundan so‘ng yo‘lakning qulashi oqibatida halok bo‘lgan yana ikki kishining jasadi vayronalar ostidan chiqarib olindi. Bu haqda TASS xabar bermoqda.
«Magnitogorskda yana ikki kishining jasadi chiqarib olindi. Hozirda halok bo‘lganlarning soni yetti nafarni tashkil etadi», - deya ma'lum qilishgan Rossiya Favqulodda vaziyatlar vazirligi matbuot xizmatidan.
Qayd etilishicha, halok bo‘lganlardan besh nafarining shaxsi aniqlangan.
Eslatib o‘tamiz, avvalroq Magnitogorskda beshinchi qurbonning jasadi topilgani xabar berilgandi.
31 dekabr kuni ertalab soat 4da Magnitogorskda maishiy gaz portlashi oqibatida o‘n qavatli uyning pod'yezdlaridan biri qulab tushgan. FVVning so‘nggi xabariga ko‘ra, portlash natijasida yetti kishi halok bo‘lgan, 33 kishining taqdiri noma'lum.
