Chaqaloqning holati og‘ir deb baholanmoqda, deya aniqlik kiritishgan tez tibbiy yordam xizmatidan. «U reanimobilda shifoxonaga olib ketildi», - deya aytib o‘tdi voqea joyiga yaqin yerda joylashtirilgan operativ shtab vakili.
«Bola karavotchada bo‘lgani va issiq o‘rab qo‘yilgani tufayli omon qolgan», - deya xabar berilgan mintaqa gubernatori Boris Dubrovskiyning rasmiy Telegram-kanalida. U yerdan qo‘shimcha qilinishicha, chaqaloq uchun jonlantirish bo‘limi tayyorlanmoqda.
Voqeaga guvoh bo‘lganlardan birining Znak.com’ga aytishicha, qutqaruvchilar vayronalar ostidan inson yig‘isini eslatuvchi tovush eshitishgan. «Favqulodda vaziyatlar vazirligi xodimlari va tibbiyot xodimi darhol u yerga chopib ketdi. Bunga ishonish juda qiyin edi. Gap shundaki, maxsus issiqlik zambaraklari yordamida vayronalarning bu qismiga o‘tgan vaqt davomida issiqlik yetkazib berib turilgandi», - deya aniqlik kiritdi u.
Eslatib o‘tamiz, avvalroq O‘zbekiston Tashqi ishlar vazirligi Magnitogorskdagi fojia oqibatida qurbon bo‘lganlar orasida O‘zbekiston fuqarolari yo‘qligini ma'lum qilgandi.
