«11 jasad chiqarib olindi», - dedi u. Avvalroq, vayronalar ostida to‘qqiz kishining jasadi topilgani haqida xabar berilgan edi. Magnitogorskdagi fojia oqibatida halok bo‘lgan 11 kishidan bir nafari - yosh bola.
«11 kishi, jumladan, bir nafar yosh bola halok bo‘ldi», - degan agentlik suhbatdoshi. 30 kishining taqdiri noma'lumligicha qolmoqda.
FVVning oblast bo‘yicha bosh boshqarmasi xodimi so‘zlariga ko‘ra, tunda vayronalarni tozalash ishlari to‘xtatildi, qutqaruvchilar osilib turgan konstruksiyalarni olib tashlashdi. «Hozir balandlikdagi ishlar to‘xtatildi va pastda vayronalarni tozalash davom etmoqda», - dedi u.
Eslatib o‘tamiz, avvalroq Magnitogorskda yo‘nalishli taksidan uch kishining jasadi topilgani, tergov uydagi portlash terakt emasligini bildirayotgani xabar qilingandi.
