Qoʻshimcha funksionallar
-
Tungi ko‘rinish
MuzA – hali hammasi oldinda!
Hoynahoy, MuzA brendi sizga tanish, agar tanish bo‘lmasa keling, tanishing.
MuzAning tarixi bundan 17 yil oldin, 2001 yilda boshlangan. U davrda mamlakatimiz iste'mol bozorida dunyoning ilg‘or andozalariga mos keluvchi qandolat mahsulotlari ishlab chiqaruvchilar deyarli yo‘q edi. Aynan o‘sha davrda korxona Respublikada birinchi bo‘lib shokoladli va ichiga qiyom solingan «Slavyanskiye» pryaniklarini ishlab chiqara boshladi. Bu pryaniklar juda qisqa vaqtda aholimiz orasida mashhur bo‘lib ketdi va hali hanuz iste'molchilarimiz ardog‘ida.
Ko‘p o‘tmay MuzA qatlamali xamirlari aholiga taqdim qilindi. Bu mahsulot O‘zbekiston bozorida mutloq yangilik, ta'bir joiz bo‘lsa kutilmagan yangilik bo‘ldi. Tez orada o‘zbek ayollarining yordamchisiga aylandi, minglab ayollarning og‘irini yengil qilib, ancha shov-shuvga sabab bo‘ldi. O‘zining shuhrati bilan juda ko‘p raqobatchi mahsulotlarning paydo bo‘lishiga asos soldi. Bunday raqobatdan esa aholimiz faqat foyda ko‘rdi xolos.
Bundan ilhomlangan MuzA ko‘p o‘tmay oshirma qatlamali va sulili mahsulotlarni aholimiz dasturxoniga yetkazib bera boshladi. Ayniqsa, qatlamali tayoqchalar (sloyonyye palochki), quloqchalar (sloyonyye ushki) va sulili pechenelar 13 yildirki aholi e'tiborini qozonib kelmoqda. Bu mahsulotlarni, shu bilan barobar, muzlatilgan qatlama va muzlatilgan cho‘zma lag‘monlarni ham O‘zbekistonda birinchi bo‘lib MuzA ishlab chiqarishni yo‘lga qo‘ydi.
17 yil davomida MuzA ancha uzoq yo‘lni bosib o‘tdi. «Sabfatek» kompaniyasi ishlab chiqarishni qimmat, shu bilan birga zamonaviy Yevropa uskunalari bilan jihozladi. Chet ellardan, xususan Gollandiya va Germaniyadan mutaxassislar taklif qilib, ulardan ish o‘rgandi, o‘z xodimlarini chet ellarda ta'lim olishlariga, chet eldagi eng ilg‘or ko‘rgazmalarda tajriba almashishlariga imkoniyat yaratdi. Ishlab chiqarishda kimyoviy konservantlar va rang beruvchi sun'iy qo‘shimchalardan foydalanmay, rivojlanishning oldi qatorlarida bo‘lishga harakat kildi. 5 kishi bilan ish boshlagan MuzA, bugungi kunga kelib hamfikr va hamnafas bulgan 250 kishini birlashtirgan tarzda faoliyat yuritmoqda.
Korxonada mahsulot sifatiga juda katta e'tibor beriladi, barcha xomashyo tekshirib, so‘ngra qabul qilinadi, ishlab chiqarish jarayonida qattiq nazorat o‘rnatilgan, sanitariya va gigiyena qoidalariga qat'iy amal qilinadi.
“Xo‘sh, ishlar yaxshi, aholi esa esa mamnun bo‘lsa yana nima ham kerak?”,- deb so‘rashingiz mumkin. Lekin MuzA rivojlanishda davom etish niyatida. Buning uchun MuzA brendi yangitdan tug‘ildi. Logotip va qadoqlar dizayni, ko‘rinishi tubdan o‘zgartirildi, mahsulotlar logistikasi yaxshilandi (ko‘cha-kuyda MuzA brendi tasvirlangan mashinalarga ko‘zingiz tushgandir), ishlab chiqarishga yangi texnologiyalar joriy etilmoqda. Eng asosiysi MuzA bir qator yangi mahsulotlarni o‘zining aziz xaridorlariga taklif qilmoqda. Yangi qadoqlardagi mahsulotlarga ko‘zingiz tushsa, ularni faqat tashqi ko‘rinishi o‘zgargan deb o‘ylamang. Barcha mahsulotlarning sifati yanada yaxshilanmoqda, turlari esa kengaymoqda. Xaridorlar o‘rtasida tanilib ulgurgan chak-chak, limonli ruletchalar, asalli va tvorogli piroglar safiga qo‘shilgan shokoladli «San-Felipe» va mevali «Lesnaya yagoda» tortchalari ham xaridorlarga manzur bo‘lishi aniq. Ichida qiyomli maffinlar esa yoshlarimizga manzur bo‘lishi tabiiy.
Bir qarashda MuzA o‘z xaridorlarini 17 yildan beri xursand qilib kelmoqda, lekin ishoning, hammasi endi boshlanayapti!
Telefonlar: +998-712468043, 712468833
Reklama huquqi asosida
