AQSh davlat qarzi 22 trln dollardan oshdi

AQSh davlat qarzi 22,012 trillion dollarlik tarixiy rekord darajaga yetdi. Bu haqda Qo‘shma Shtatlar Moliya vazirligi saytida xabar berilgan.

Vazirlik ma'lumotlariga ko‘ra, 2019 yil fevralidan buyon bu ko‘rsatkich qariyb 90 milliard dollarlik ko‘rsatkichdan oshdi.

Ta'kidlanishicha, 11 oylik vaqt mobaynida AQSh davlat qarzi 1 trln dollarga ortdi.

Eslatib o‘tamiz, avvalroq AQSh davlat qarzi Tramp davrida 2 trln dollarga oshgani xabar berilgandi.