«Lion Motors» avtosaloni o‘z mijozlari o‘rtasida maishiy texnikalar va oliy yutuq “Chevrolet Tracker” avtomobilini yutib olish bo‘yicha o‘tkazilayotgan aksiyaning so‘nggi, uchinchi bosqichini ham yakunladi. Yutuqli o‘yinning yakunlovchi bosqichi 13 fevral kuni Angren shahridagi «Lion Motors» MChJ dilerlik markazida bo‘lib o‘tdi.
O‘yinning birinchi qismi maishiy texnikalarning g‘oliblarini saralab olishga bag‘ishlangan bo‘lib, bunda omadlilarni uchtadan “Artel” rusumidagi televizorlar, ikki kamerali sovutgichlar va zamonaviy kir yuvish mashinalari kutayotgan edi.
Tadbirning ikkinchi qismida lototron ishtirokchilar orasidan “Chevrolet Tracker” avtomobili sohibini tasodifiy tomoshabin yordamida aniqlab berdi. Yutuq egasi sifatida Samarqand viloyati Urgut tumanida istiqomat qiluvchi Ahrorov Abdukarim g‘olib bo‘ldi. G‘olibga rasmiy mukofotlash tadbirida yutuqli avtomobilning kaliti topshirildi.
«Men nihoyatda baxtiyorman, quvonchimni so‘z bilan ifoda etish men uchun mushkul. Dastlab men omadga ishonmagandim, biroq avtosalon xodimlari meni kuponni to‘ldirish va lototronga tashlashga ko‘ndirishdi. Men “Damas” avtomobilini xarid qilgandim, ammo evaziga menga “Tracker” ham nasib qilishini o‘ylab ham ko‘rmagandim. Bag‘oyatda baxtiyorman», - deydi yutuq sohibi.
Uch oy davomida “Lion Motors” avtosalonidan avtomobil xarid qilgan va shartnomaga muvofiq to‘lovning 85 foizini amalga oshirgan har bir xaridor aksiyada ishtirok eta olishi mumkin edi. Buning uchun shartnoma imzolangandan so‘ng maxsus kuponni to‘ldirib, barabanga tashlash lozim edi. Har oyda o‘tkazilgan aksiyada g‘olib bo‘lgan xaridorlar oliy yutuq – “Chevrolet Tracker” avtomobilini yutib olish huquqini ham saqlab qolgan edilar.
Shuningdek, “Lion Motors” avtosaloni avtomobil xarid qilishdagi avvalgi shartlarga muvofiq yangi, ulkan aksiya haqida ham e'lon qildi. Endi 2019 yilning yakuniga qadar xaridorlarda to‘rtta «Spark» avtomobillarini, maishiy texnikalar va super-yutuq bo‘lgan «Malibu» avtomobilini yutib olish imkoniyati mavjud. Yutuqli o‘yin 2019 yilning 1 aprelidan boshlanib, 2020 yilning 1 yanvariga qadar davom etadi. Har ikki oyda tasodifiy ravishda lototrondan g‘oliblar ismi-sharifi qayd etilgan kuponlar tanlab olinadi. G‘olibni tanlab olish jarayoni @lionmotors'ning Instagram'dagi rasmiy sahifasi orqali to‘g‘ridan-to‘g‘ri translatsiya qilinadi. Aksiyaga 14 fevraldan start berildi va bu aksiya xoh yengil avtomobil, xoh yuk tashish avtomobili («KamAz» markasi)ni xarid qilishda ham amal qiladi. Birinchi yutuqli o‘yin 2019 yilning 1 may kuni bo‘lib o‘tadi.
