Vaqt – zamonaviy, o‘z ishining ustasi bo‘lgan barcha inson uchun qimmatli hakam. Shu sababli ishbilarmon kishilar har bir soniyani behuda sarflamaslik uchun puxta reja bilanish ko‘rishadi.
Hozir yurtimizda ana shunday o‘zining kichik biznes va startaplarini ochgan yosh tadbirkorlar talaygina. Ular ko‘p hollarda tanlangan mahsulotni mijozga yetkazib berishda muammolarga duch kelishadi. Sababi, buyumning og‘ir-yengilligiga qarab, avtomobil topish, haydovchi bilan narx-navo masalasida kelishish hamda tovarni ortish jarayonlarini nazorat qilish har doim ham oson bo‘lavermaydi.
Oson va qulay yechim
Endilikda yuklarni kerakli manzilga yetkazish uchun bozorlarga borib, haydovchilar bilan “oldi-berdi” qilishga hojat yo‘q. Siz Toshkentning qay burchagida bo‘lmang, birgina telefon orqali masalani osongina hal etishingiz mumkin.
Qanday qilib deysizmi? Bepul mobil ilova orqali. Endilikda PickApp mobil dasturi jismoniy va yuridik shaxslar tomonidan amalga oshiriluvchi yuk jo‘natmalarini tezda o‘z manziliga yetkazib beradi.
O‘zbekistonda ilk marotaba
PickApp – yengil va katta hajmdagi yuklarni Toshkent bo‘ylab hamyonbop narxlarda yetkazib beruvchi birinchi taksi xizmati. Siz hajmi og‘ir bo‘lgan istalgan jo‘natmalarni hattoki, uyda o‘tirgan holda yuborish imkoniga ega bo‘lasiz.
Kompaniya yukni olib ketish va yetkazish jarayonini doimiy tarzda nazorat qilib boradi. Shuningdek, siz avtomobillar turiga ko‘ra to‘lovlarni amalga oshirasiz. Ya'ni, barcha qiymat dasturda avvaldan aniq belgilab qo‘yilgan. Mijozlar naqd pul, Payme orqali to‘lov yoki shartnoma (asosan, korporatsiya va korxonalar) asosida pul o‘tkazish yuli bilan to‘lash imkoniga ega.
Ilovadan foydalanish
Bu juda ham oson va ko‘p vaqtni talab etmaydi. Mobil telefoningiz orqali App Store yoki Play market’dan PickApp ilovasini yuklab olasiz. Yukning og‘ir-yengilligiga qarab, avtomobil markasi, yuk jo‘natiladigan va qabul qilinadigan manzilni belgilaysiz. Dastur esa sizga darhol yaqin oradagi yuk tashuvchi mashinani aniqlab, belgilangan qiymat bo‘yicha xizmat narxini ko‘rsatadi. Qarabsizki, sizning buyurtmangiz bir zumda o‘z manziliga yuboriladi.
Ilovadan o‘zbek, rus va ingliz tillarida foydalanish mumkin.
Qo‘shimcha yordam
Ba'zida shunday yuklar bo‘ladiki, ularni ko‘tarish va avtomobilga joylashtirish uchun ko‘pchilikning yordami zarur bo‘ladi. Bu muammoning ham yechimi hal etildi: ilova orqali siz avtomobil bilan birgalikda maxsus yuk tashuvchini ham yordamga chaqirishingiz mumkin.
Haydovchilar uchun yangi ish o‘rinlari
PickApp mobil dasturi shu bilan birga haydovchilarni doimiy ish bilan ham ta'minlaydi. Shuni ta'kidlash joizki, yuklarni yetkazib beruvchi avtomobil haydovchilari tajribaga ega kishilar bo‘lib, o‘z ishining professionallaridir. PickApp haydovchilaridan biri Ravshan Mahkamov biz bilan yangi dastur haqidagi fikrlarini o‘rtoqlashdi:
“Men ushbu jamoa safiga qo‘shilganimdan mamnunman. Avvallari, kun bo‘yi bozorda mijoz kutib, buyurtmalarni kelishguncha vaqt o‘tib ketar edi. Ba'zida, hech qanday mijoz chiqmagan kunlar ham bo‘lgan. Yana manzildagi noaniqliklar va yana turli muammolarga duch kelar edim. Hozir esa aniq ilova orqali yuklarni o‘z vaqtida belgilangan obektga yetkazib beraman. Doimiy tarzda buyurtmalarni amalga oshiraman. Har bir kunimni reja asosida o‘tkazaman”.
Yoqimli bonuslar
Ilovadan doimiy ravishda foydalanuvchi faol mijozlar uchun maxsus bonuslar ham mavjud. Birinchi buyurtmadanoq mijozlar uchun “SashBack” xizmati ishga tushadi. Keyinchalik yig‘ilgan qiymatni boshqa buyurtmalar uchun ishlatish mumkin.
Komil Yusupov, PickApp asoschilaridan biri:
“Yaqin kunlarda “Dostavka po gorodu” tarifini yo‘lga qo‘yish niyatidamiz. Bunda hajmi katta bo‘lmagan yuklarni qulay sharoitlarda o‘z manziliga olib boramiz. Shu orqali foydalanuvchilar uchun kichik hajmdagi yuklarning yetkazib berish narxi arzonlashadi. Bu tarif ayniqsa, onlayn do‘konlar va bir ofisdan ikkinchisiga qisqa muddat ichida katta bo‘lmagan jo‘natmalarni yuborishi kerak bo‘lgan insonlar uchun juda qulaydir. Shuningdek, yaqin kelajakda yuk parametrlari bo‘yicha avtomatik tarzda avtomobil tanlash imkoni yo‘lga qo‘yiladi. Ba'zan, mijozlar yuklarni qaysi mashinaga sig‘ishini bilishmaydi. Shu sababli, ularga yanada qulaylik yaratish maqsadida, ilovaning o‘zi mijoz tomonidan kiritilgan ma'lumotlar asosida yuk uzunligi, og‘irligi parametrlari bo‘yicha mos keluvchi avtomobilni chiqarib beradi”.
Yana bir katta reja – bu viloyatlarda ham o‘z filiallarimizni ochib, ilovani joriy qilishdir. Nasib qilsa, mazkur xizmat respublikaning barcha hududlarida joriy etiladi”.
24/7
Dastur shuningdek, marshrut bo‘yicha ma'lumotlar olish, buyurtmalar tarixini tekshirish, yuklarni yetkazib berish jarayonini kuzatib borish imkonini ham beradi va tun-u kun uzluksiz, dam olish kunisiz faoliyat olib boradi.
Zamon bilan hamnafas bo‘lish vaqti keldi. Vaqtingiz va naqdingizni asrang, qulay imkoniyatdan foydalaning. PickApp – og‘iringizni yengil qilish uchun hamisha tayyor!
Kompaniya yangiliklarini kuzatib boring:
Sayt: www.pickapp.uz
Facebook: fb.com/pickapp.uz
Instagram: @pickapp_uz
Telegram: t.me/pickappuz
Murojaat uchun telefon: +99895 475 50 05
Reklama huquqi asosida