Toshkent shahar FVB boshlig‘i tayinlandi 

Toshkent shahar FVB tizimida yangi lavozim o‘zgarishi ro‘y berdi. Bu haqda poytaxt hokimligi matbuot xizmati xabar qilmoqda.

Xususan, Muxtor Yashnarovich Muhitdinov Toshkent shahar favqulodda vaziyatlar boshqarmasi boshlig‘i etib tayinlandi.

Muxtor Muhitdinov 1973 yilda tug‘ilgan. Bundan avval Favqulodda vaziyatlar vazirligi markaziy apparati Tezkor boshqarmasida ishlagan.

Ma'lumot uchun: Tashkiliy-tezkor boshqarmasi aholi va hududlarni tabiiy hamda texnogen xususiyatli favqulodda vaziyatlardan muhofaza qilish sohasiga oid qonun va me'yoriy-huquqiy hujjatlar talablarining bajarilishini nazorat qilinishini ta'minlash, favqulodda vaziyatlar sodir bo‘lganda tezkor tayyorgarlik va tezkor rejalashtirish masalalari bo‘yicha O‘zbekiston Respublikasi Fuqaro muhofazasi boshlig‘ining buyruqlari, direktivalari va farmoyishlari, Favqulodda vaziyatlar vazirining buyruqlari, direktivalari, yo‘riqnomalari va ko‘rsatmalarini tegishli qismida bajarilishini nazorat qilish bilan shug‘ullanadi.