Nurota tumani kompleks ijtimoiy-iqtisodiy rivojlantiriladi

Dastur doirasida amalga oshiriladigan tadbirlarga barcha manbalar hisobidan 1155,1 mlrd. so‘m miqdorida mablag‘lar yo‘naltiriladi;

sanoatni rivojlantirish bo‘yicha 15 ta loyiha amalga oshirilishi natijasida 434 ta yangi ish o‘rni yaratiladi;

xizmatlar sohasi va servis infratuzilmasini rivojlantirish bo‘yicha 15 ta loyiha amalga oshirilishi natijasida 132 ta yangi ish o‘rni yaratiladi;

qishloq xo‘jaligini rivojlantirish bo‘yicha 18 ta loyiha amalga oshirilishi natijasida 658 ta yangi ish o‘rni yaratiladi;

6598 nafar aholining (bandlik 9.8%dan 7.1%ga yetadi), xususan 2847 nafar xotin-qizlar (bandlik 55 %dan 74 %ga yetadi), 1870  yoshlar (bandlik 29 %dan 48 %ga yetadi) bandligini ta'minlanadi;

36 nafar fuqarolar kam ta'minlanganlar safidan chiqariladi;

Nurota tumani markazi va 3 ta aholi punktlarini batafsil rejalashtirish loyihasini amalga oshirish orqali arxitektura qiyofasi tubdan o‘zgartiriladi, bunda:

umumiy uzunligi 123,1 kilometrdan iborat mintaqaviy yo‘llar ta'mirlanadi va rekonstruksiya qilinadi (hozirgi kundagi jami 720,2 km ta'mirtalab yo‘llarning 24 foizi yoki 172 km ta'mirlanadi);

ichimlik suvi ta'minoti tizimini yaxshilash maqsadida 25,7 kilometr yangi tarmoq hamda 3 ta suv inshooti quriladi, 1,04 kilometr tarmoqlar hamda 3 ta suv inshootlari rekonstruksiya qilinadi va ta'mirlanadi (aholiga suv ta'minoti 24,2 %dan 32,3% gacha yetkaziladi);

elektr energiya ta'minoti tizimini yaxshilash maqsadida 31,4 kilometr yangi tarmoq hamda 14 ta transformator quriladi, 40,9 kilometr tarmoqlar rekonstruksiya qilinadi va ta'mirlanadi;

gaz ta'minoti tizimini yaxshilash maqsadida 1,05 kilometr tarmoqlar rekonstruksiya qilinadi va ta'mirlanadi hamda 2000 ta gaz balonlari aholiga yetkaziladi (gaz ta'minoti 85%dan 100% gacha yetkaziladi);

13 ta maktabgacha ta'lim muassasasi quriladi, 3 ta maktabgacha ta'lim muassasasi mukammal ta'mirlanadi hamda buning natijasida maktabgacha yoshdagi bolalar qamrovi 31%dan 65%ga yetkaziladi;

16 ta maktab rekonstruksiya qilinadi, 9 ta maktab mukammal ta'mirlanadi, 2 ta maktab kapital ta'mirlanadi hamda buning natijasida maktablardagi  o‘quvchilar o‘quv sharoitlari yaxshilanadi hamda smena 2 dan 1 ga kamayishiga erishiladi;

8 ta tibbiyot muassasasi quriladi, 1 ta tibbiyot muassasasi rekonstruksiya qilinadi, 4 ta muassasa zamonaviy tibbiy asbob uskuna bilan ta'minlanadi hamda buning natijasida tibbiyot muassasalarda 91,0 ming nafar aholiga tibbiy xizmat ko‘rsatish sifati yaxshilanadi;

8 ta sport muassasasi quriladi, 2 ta sport muassasasi mukammal ta'mirlanadi hamda buning natijasida sport muassasalarda qo‘shimcha 2,0 ming nafar aholiga sport xizmatlarni ko‘rsatish sifati yaxshilanadi;

10 ta boshqa ijtimoiy muassasalar quriladi, 10 ta boshqa ijtimoiy muassasalar rekonstruksiya qilinadi, buning natijasida 12,0 ming nafar aholiga boshqa xizmatlarni ko‘rsatish sifati yaxshilanadi;

262 ta sug‘orish tik quduqlari quriladi, natijada 6550 ga tomorqa maydonlarini sug‘orish imkoniyati yaratiladi;

12 ta ko‘p qavatli uy-joylar ta'mirlanadi hamda 12 ta qo‘p qavatli uy-joy hududlari obodonlashtiriladi (500 nafarga yaqin aholining turmush sharoiti yaxshilanadi).