18:58 / 06.06.2019
25378

Putin bolalar uchun eng foydali kitoblar Qur'on, Injil va Tavrot ekanligini aytdi

Foto: RIA Novosti

Rossiya prezidenti Vladimir Putinning fikricha, Qur'on, Injil va Tavrot kitoblarini o‘qish foydalidir.

"Injilni o‘qishsin, Tavrot, Qur'onni o‘qishsin, har qanday holatda ham bu foydali. Bu kitoblar o‘g‘il bolalarga ham, qiz bolalarga ham to‘g‘ri keladi", - dedi Putin jurnalistlarning u har qanday mamlakatdagi bolalarga qanday kitob o‘qishni maslahat berishi mumkinligi haqidagi savoliga javoban.

"Chunki dunyodagi barcha dinlarda insonparvarlik mujassam. Agarda biz ularga amal qilsak, dunyo yanada yaxshiroq bo‘ladi", - deb qo‘shib qo‘ydi Rossiya prezidenti.

AQShning Pew tadqiqot markazi ma'lumotlariga ko‘ra, Rossiya aholisining 71%ini pravoslavlar, 10%ini musulmonlar tashkil etadi. 

Top