15:25 / 08.07.2019
31529

Peterburgda o‘zbekistonlik ayol kasalxonaga olib ketildi. Uning yuziga qarata o‘q uzishgan

Illyustrativ foto

Sankt-Peterburgning Krasnogvardeyskiy tumanida otishmada gumon qilingan erkak kishi qo‘lga olindi. Novvoyxona ishchisi, O‘zbekiston fuqarosi bo‘lgan ayol uning qurboniga aylandi, deb xabar bermoqda «Nevskiye novosti» huquq-tartibot idoralari xodimlariga tayangan holda.

Hodisaning o‘zi 7 iyul, yakshanba kuni sodir bo‘lgan. Chaqirilmagan mehmon novvoyxona ichiga kirib kelib, jabrlanuvchi bilan janjallashgan hamda unga travmatik to‘pponchadan o‘q uzgan.

O‘q ayolning chap yuziga tegib, ko‘z chanog‘ining pastki medial devorchasini teshib o‘tgan. O‘zbekiston fuqarosi kasalxonaga yotqizildi. Uning ahvoli hozirda o‘rtacha og‘irlikda, deb baholanmoqda.

Keyinchalik gumonlanuvchi ushlandi. «Bezorilik» moddasi bo‘yicha jinoiy ish qo‘zg‘atilgan. 

Mavzu
Migrantlar fojiasi
Xorijda mehnat qiluvchi o‘zbekistonliklar turli baxsiz hodisalar oqibatida halok bo‘lishi holatlari davom etmoqda
Barchasi
Mavzuga oid
Top