Abituriyent-2019. Davlat xizmatlari markazlari abituriyentlarga 24 soat davomida xizmat ko‘rsatadi

Davlat xizmatlari agentligi abituriyentlarga qulaylik yaratish maqsadida Davlat xizmatlari markazlarida hujjatlarni 24 soat davomida qabul qilishni joriy etdi.

«So‘ngi kunlarda ijtimoiy tarmoqlarda oliy ta'lim muassasalarida joylashgan qabul komissiyalarda uzundan-uzun navbatlar va tartibsizlik yuzaga chiqayotgani haqida xabarlar tarqalmoqda.

Endilikda, OTMlarga hujjatlarni kunning 24 soati davomida, o‘zingizga qulay bo‘lgan vaqtda topshirish imkoniga egasiz! Vaqtni besamar sarflamang!

Davlat xizmatlari agentligi qulayliklar yaratishda davom etmoqda», deyiladi Davlat xizmatlari agentligi xabarida.

Eslatib o‘tamiz, bu yildan abituriyentlar hujjatlarni quyidagi beshta oliy ta'lim muassasalariga Davlat xizmatlari markazlari orqali topshirishlari mumkin.

1. Toshkent davlat yuridik universiteti;

2. Qoraqalpoq davlat universiteti;

3. Guliston davlat universiteti;

4. Farg‘ona davlat universiteti;

5. Samarqand davlat universiteti