Van Deyk – Chempionlar Ligasining eng yaxshi futbolchisi, Messi – eng yaxshi hujumchisi, Ronaldu sovrinsiz qoldi

UYeFA Chempionlar Ligasi 2018/19 mavsumining eng yaxshi futbolchilarini e'lon qildi.

«Liverpul» posboni Alisson Beker eng yaxshi darvozabon deb topildi.

«Liverpul» futbolchisi Virjil van Deyk - eng yaxshi himoyachi, «Ayaks» yarimhimoyachisi Frenki de Yong - eng yaxshi yarimhimoyachi bo‘ldi. «Barselona» yetakchisi Lionel Messi eng yaxshi hujumchi deb tan olindi.

Bundan tashqari, Virjil van Deyk Chempionlar Ligasida o‘tgan mavsumning eng yaxshi futbolchisi bo‘ldi. Undan tashqari bu sovringa «Yuventus» hujumchisi Krishtianu Ronaldu va «Barselona» to‘purari Lionel Messi ham da'vogarlik qilgan edi.

Eslatib o‘tamiz, 2018/19 mavsumida «Liverpul» klubi Chempionlar Ligasi g‘olibi bo‘ldi.