18:50 / 11.10.2019
1
10528

MIBning soxta xodimi qo‘lga olindi

Andijon viloyatining Bo‘z tumanida 7 oktabr kuni o‘zini «Majburiy ijro byurosida ishlovchi Husniddin» deb tanishtirgan shaxs tumandagi «Tafakkur» mahallasida yashovchi A.Jumanovadan «gaz ballon olib beraman» deb 110 ming so‘m, tumanning Yangi hayot qishlog‘ida yashovchi S.Jumaboyeva va uning qo‘shnisidan ham gaz ballon olib berishga va'da qilib, har biridan 110 ming so‘mdan pul olib, hozirgi kunga qadar gaz ballonlarni bermagan.

Mazkur holat yuzasidan Majburiy ijro byurosi Bo‘z tuman bo‘limi va tuman ichki ishlar boshqarmasi xodimlari tomonidan olib borilgan tezkor tadbir natijasida MIBning soxta xodimining shaxsi aniqlanib, u qo‘lga olindi. Ushbu shaxs ilgari ham O‘zbekiston Respublikasi Jinoyat kodeksining 168-moddasi bilan 2 marta sudlangani aniqlangan.

Hozirda Bo‘z tumani IIB tomonidan dastlabki surishtiruv ishlari olib borilmoqda.

Mavzuga oid
Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top