Toshkent shahrining Yakkasaroy tumani, Jizzax va Marg‘ilon shaharlarida ko‘p kvartirali uylarni boshqarishda “Ko‘p kvartirali uylarni boshqarish to‘g‘risida”gi Qonun normalarini aprobatsiya qilish yuzasidan huquqiy eksperiment o‘tkaziladi.

Vazirlar Mahkamasining muhokama uchun e'lon qilingan qarori loyihasiga ko‘ra, O‘zbekiston Respublikasining 2019 yil 7 noyabrda qabul qilingan “Ko‘p kvartirali uylarni boshqarish to‘g‘risida”gi Qonuniga muvofiq 2020 yil 1 mayga qadar Toshkent shahrining Yakkasaroy tumani, Jizzax va Marg‘ilon shaharlarida ko‘p kvartirali uylarni boshqarishda ushbu Qonun normalarini aprobatsiya qilish yuzasidan huquqiy eksperiment o‘tkaziladi.

Quyidagilar:

Toshkent shahrining Yakkasaroy tumani, Jizzax va Marg‘ilon shaharlarida ko‘p kvartirali uylarni boshqarishda Qonun normalarini aprobatsiya qilish yuzasidan huquqiy eksperiment o‘tkazish to‘g‘risidagi vaqtinchalik nizom;

Toshkent shahrining Yakkasaroy tumani, Jizzax va Marg‘ilon shaharlarida ko‘p kvartirali uylarni boshqarishda Qonun normalarini aprobatsiya qilish yuzasidan huquqiy eksperiment o‘tkazish bo‘yicha ishchi guruh tarkibi tasdiqlanadi.

Ishchi guruh zimmasiga quyidagi vazifalar yuklanadi:

Qonun normalarini amalga oshirishga qaratilgan amaliy choralar ko‘rilishini tashkil qilish;

ko‘p kvartirali uylar va ularga tutash bo‘lgan yer uchastkalarini texnikaviy va sanitariya jihatdan yaxshi holatda saqlash, kuz-qish mavsumiga tayyorlash va undan foydalanish masalalarida ko‘p kvartirali uylarni boshqarish organlarining davlat organlari bilan o‘zaro hamkorligini ta'minlash;

qo‘llanilayotgan huquqiy mexanizmlarning joriy holatini tahlil qilish;

ko‘p kvartirali uylarni mukammal va joriy ta'mirlash, shuningdek avariya tiklash ishlarini o‘tkazish masalalari bo‘yicha ko‘p kvartirali uylarni boshqarish organlarining xizmat ko‘rsatish, avariya-ta'mirlash va xizmat ko‘rsatish korxonalari bilan o‘zaro munosabatlarini takomillashtirish;

ko‘p kvartirali uylarni boshqarish organlarining moddiy-texnika resurslari va sifatli uy-joy kommunal xizmatlariga bo‘lgan talab va ehtiyojlarini qondiradigan to‘laqonli bozor infratuzilmasini tashkil qilishga ko‘maklashish;