Yangi avtotransport vositalari davlat ro‘yxatidan o‘tkaziladigan avtosalonlar ro‘yxati e'lon qilindi

Joriy yil 6 apreldan e'tiboran yangi avtomobil sotib olgan fuqarolar UzAuto Motors kompaniyasining 29ta rasmiy dilerlik korxonalarida avtotransport vositalari uchun davlat raqam belgilarini olishlari mumkin.

“Ro‘yxatda keltirilgan avtosalonlardan avtomobil xarid qilgan fuqarolar mazkur xabar e'lon qilingan kun, ya'ni 13 apreldan boshlab avtotransport vositalarini 10 kun ichida ro‘yxatdan o‘tkazmagan taqdirda O‘zbekiston Respublikasi Ma'muriy javobgarlik to‘g‘risidagi Kodeksning belgilangan moddalariga asosan javobgarlikka tortiladi”, - deyiladi kompaniya xabarida.

Qayd etilishicha, kompaniya IIV YHXBB bilan kelishgan holda ro‘yxatga kiritilmagan dilerlardan (ro‘yxatga kiritilgan 29 ta avtosalonlardan tashqari) avtomobil xarid qilgan fuqarolar avtomobillarini karantin davri tugaganidan so‘ng DYHXXda davlat ro‘yxatidan o‘tkazishlari mumkin.

Shu bilan birga, mamlakatda koronavirus pandemiyasi davrida virus tarqalishining oldini olish maqsadida joriy yilning 23 mart kunidan DYHXXning ro‘yxatdan o‘tkazish va imtihon olish bo‘lim-bo‘linmalari faoliyati vaqtincha to‘xtatildi. 

Bildirilishicha, shu sababli fuqarolar tomonidan joriy yilning 23 mart kunidan so‘ng sotib olingan transport vositalarining egalari karantin tugagandan so‘ng 10 kun muddatda avtotransport vositasini rasmiylashtirishi lozim, aks holda O‘zbekiston Respublikasi Ma'muriy javobgarlik to‘g‘risidagi Kodeksning belgilangan moddalariga asosan javobgarlikka tortiladilar.

Yangi avtotransport vositalari davlat ro‘yxatidan o‘tkaziladigan dilerlik korxonalari ro‘yxati:

"XORAZMAVTOTeXXIZMAT" MChJ
"BOBUR TRANS LOGISTIK" (Xorazm viloyati)
FARG‘ONA "AVTOTeXXIZMAT-F" (Farg‘ona viloyati)
"KOKAND AVTO TReYD" (Farg‘ona viloyati)
NURAFSHON AVTOCENTR (Toshkent viloyati)
"SIRDARYo AVTOTeXXIZMAT" (Sirdaryo viloyati)
"OQ OLTIN AVTOTeXSeRVIS" (Sirdaryo viloyati)
"SURXONDARYo AVTOTeXXIZMAT" (Surxondaryo viloyati)
"SURXON AVTOSAVDO" (Surxondaryo viloyati)
"SAMARQAND AVTOTeXXIZMAT" (Samarqand viloyati)
"AVTO BINOKOR SeRVIS" (Samarqand viloyati)
"QARAQALPAQAVTOTEXXIZMET" (Qoraqalpog‘iston Respublikasi)
"BERUNIY AVTOSAVDO SERVIS" (Qoraqalpog‘iston Respublikasi)
"ChUST-AVTOTeXXIZMAT-N" (Namangan viloyati)
"AUTO CAR PART" (Namangan viloyati)
"NAVOIY AVTOTeXXIZMAT" (Navoiy viloyati)
"NAVOIY-AVTOSAVDO" (Navoiy viloyati)
"AS-KAShKADARYa SERVIS" (Qashqadaryo viloyati)
"QASHQADARYO AVTOTEXXIZMAT" (Qashqadaryo viloyati)
"JIZZAXAVTOTeXXIZMAT" (Jizzax viloyati)
"Jizzax-Avtosavdo" (Jizzax viloyati)
"O‘ZAVTOTeXXIZMAT" (Toshkent shahri)
"SeRGeLI-AVTOTeXXIZMAT" (Toshkent shahri)
TRADE-IN CENTR (Toshkent shahri)
"BUXOROAVTOTeXXIZMAT" (Buxoro viloyati)
"VOBKENT AVTOTEXXIZMAT" (Buxoro viloyati)
"ANDIJAN AVTOTeXXIZMAT" (Andijon viloyati)
"AS-ANDIJAN SERVIS" (Andijon viloyati).