Jahon banki Yevropa va Markaziy Osiyo bo‘yicha yangi vitse-prezidentni tayinladi

Bu haqda Jahon banki matbuot xizmati ma'lum qildi. Berde Jahon bankining O‘zbekiston bilan ishlashi uchun ham javob beradi. 

Berdening ta'kidlashicha, ayni vaqtda Jahon bankining ustuvor vazifasi koronavirus pandemiyasiga qarshi kurash hisoblanadi. Yaqin orada bank mintaqa davlatlariga inqirozni yengib o‘tish uchun tezkor moliyalashtirish va boshqa vositalarni taqdim qiladi.

“Yaqin muddatda odamlar hayoti va ularning yashash uchun mablag‘larini himoyalash siyosati vositalarini amalga oshiramiz va tezkor tartibda moliyalashtirish taqdim qilamiz. O‘rta muddatda esa davlatlarga joriy inqirozning ularning budjetlari va iqtisodiyotlariga oqibatlarini yumshatishda yordam beramiz”, deb aytgan vitse-prezident.  

Ayni vaqtda Jahon banki Yevropa va Markaziy Osiyo davlatlariga bu maqsadda 1,4 mlrd dollar ajratdi. 

Bu mablag‘lar tibbiy qurilmalar, jumladan testlash tizimlari, respiratorlar va o‘pkani sun'iy shamollatish qurilmalari xarid qilish, sog‘liqni saqlash tizimi salohiyatini mustahkamlash, jumladan tibbiy xodimlarni tayyorlash hamda aholining koronavirusdan jabr ko‘rgan eng zaif qatlamlarini ijtimoiy qo‘llab-quvvatlashga mo‘ljallangan.   

Anna Berde Shvetsiyani bildiradi. Avval u Jahon banki tuzilmalarida turli rahbarlik lavozimlarini, jumladan Yevropa va Markaziy Osiyo mintaqasi bo‘yicha vitse-prezidenti o‘rinbosari lavozimini egallagan. Afrika, Yaqin Sharq, Markaziy Osiyo, Lotin Amerikasi mintaqalari va Karib havzasi, Sharqiy va Janubiy Osiyo davlatlarini rivojlantirish sohasida 25 yillik tajribaga ega.