Akademik Sattor Tursunmuhammedov olamdan o‘tdi 

Sattor Tursunmuhammedov 1929 yil Turkiston shahrida tug‘ilgan, faylasuf olim. O‘zbekiston FA akademigi (2000). O‘zbekistonda xizmat ko‘rsatgan fan arbobi (1979), falsafa fanlari doktori (1970), professor (1972). 

U Toshkent moliya institutida o‘qituvchi, dotsent, kafedra mudiri (1955-76). ToshDU huzuridagi Oliy o‘quv yurtlari ijtimoiy fanlar o‘qituvchilari malakasini oshirish instituti direktori (1976—79), 1985—1993 yillarda shu institutda ijtimoiy-siyosiy munosabatlar kafedrasining mudiri bo‘lib ishlagan.

Shuningdek, Toshkent pedagogika instituti rektori (1979—83), 1983—1985 yillarda Toshkent xalq xo‘jaligi institutida falsafa kafedrasining mudiri. ToshDU huzuridagi Oliy pedagogika instituti direktori (1993) bo‘lgan. 1995 yildan Jahon iqtisodiyoti va diplomatiya universitetida siyosatshunoslik kafedrasi professori bo‘lgan. 

Ilmiy ishlari sanoat va qishloq xo‘jaligi. mehnati, ijtimoiy guruhlar, tabaqalar, mulkdorlar sinfining shakllanishi, ijtimoiy falsafa, siyosatshunoslik sohalariga bag‘ishlangan.