«Suzuk ota» majmuasini saqlash uchun qo‘shimcha mablag‘lar ajratiladi

Vazirlar Mahkamasi 5.08.2020 yildagi “Toshkent shahar hokimligi huzuridagi Mustaqillik maydonini ko‘kalamzorlashtirish, obodonlashtirish va saqlash departamentini maxsus texnika va avtotransport vositalari bilan ta'minlash to‘g‘risida” 464-son qarorni qabul qildi.

Foto: Prezident matbuot xizmati

Qaror bilan Toshkent shahrining Shayxontohur tumanida barpo etilgan "Suzuk ota" majmuasida obodonlashtirish, sun'iy sug‘orish inshootlari va ko‘kalamzorlashtirish obektlarini qurish ishlari yakunlanganligi hamda majmuani saqlash va undan foydalanish Toshkent shahar hokimligi huzuridagi Mustaqillik maydonini ko‘kalamzorlashtirish, obodonlashtirish va saqlash departamentiga yuklanganligi ma'lumot uchun qabul qilindi.

Norma’ning yozishicha, 2020-2021 yillarda Toshkent shahar hokimligi huzuridagi Departamentni ta'minlash uchun maxsus texnika va avtotransport vositalari ro‘yxati ilovaga muvofiq (14 ta) va xodimlar shtatini oshirish (+ 33 ta) tasdiqlandi.

Toshkent shahar hokimligiga 2020 yilda qo‘shimcha shtat birliklariga, "Suzuk ota" majmuasidan foydalanish va saqlash xarajatlariga hamda maxsus texnika va avtotransport vositalarini xarid qilish uchun zarur mablag‘larni Toshkent shahar mahalliy budjeti mablag‘lari hisobidan ajratish topshirildi.

Toshkent shahar hokimligi va Moliya vazirligiga 2021 yildan boshlab, Toshkent shahar mahalliy budjeti parametrlarini shakllantirishda "Suzuk ota" majmuasidan foydalanish va uni saqlash xarajatlariga hamda maxsus texnika va avtotransport vositalarini xarid qilish uchun zarur mablag‘larni nazarda tutish topshirildi.

Hujjat 6.08.2020 yildan kuchga kirdi.