“Do‘stlik-2” bekatidan “Qo‘yliq” bekatigacha bo‘lgan yo‘nalish uzunligi 11 kilometr bo‘lib, 7 ta bekat barpo etilgan. Birinchi bekatdan oxirgisigacha 19 daqiqada yetib olish mumkin.
Toshkent metropoliteni yangi yerusti halqa yo‘lining "Do‘stlik-2" bekatidan "Qo‘yliq" bekatigacha harakat 30 avgust soat 06:00 dan yo‘lga qo‘yiladi. Bu haqda “O‘zbekiston temir yo‘llari” AJ matbuot xizmati xabar berdi.
Xabarda aytilishicha, "Do‘stlik" bekatidan "Do‘stlik-2" bekatiga o‘tish bepul.
29 avgust kuni prezident Shavkat Mirziyoyev bu yerga tashrif buyurib, jamoatchilik bilan birga poyezdda yurdi.
“Do‘stlik-2” bekatidan “Qo‘yliq” bekatigacha bo‘lgan mazkur yo‘nalish uzunligi 11 kilometr bo‘lib, 7 ta bekat barpo etilgan. Birinchi bekatdan oxirgisigacha 19 daqiqada yetib olish mumkin. Bu masofada har biri 4 ta vagondan iborat 4 ta poyezd qatnaydi. Ushbu yo‘nalish kuniga 46 ming yo‘lovchiga xizmat ko‘rsatish imkoniyatiga ega.
