Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • O‘zbekiston | 14:39 / 04.01.2021
    32769
    2 daqiqa o‘qiladi

    11 yanvardan OTMlarda an'anaviy ta'lim boshlanadi

    O‘zbekistondagi oliy ta'lim muassasalari 11 yanvar kunidan an'anaviy ta'limga qaytadi. Bu haqda AOKAda bo‘lib o‘tayotgan brifingda Oliy va o‘rta maxsus ta'lim vazirligi axborot xizmati rahbari Farhod Babashev ma'lum qildi.

    «Barcha OTMlar tomonidan o‘quv jarayonini an'anaviy tarzda boshlash bo‘yicha grafik ishlab chiqilgan. Grafik asosida 2021 yil 11 yanvardan barcha OTMlarning tegishli kurslarida o‘quv jarayoni an'anaviy shaklda boshlanadi.

    Ayrim kasal talabalar yoki ijtimoiy himoyaga muhtoj talabalarning o‘qishlari onlayn shaklda davom ettirilishi mumkin. Bu holatda OTMlar talabalarning sharoitlarini o‘rganib chiqadi. Barcha imkoniyatlari mavjud bo‘lgan talabalar an'anaviy ta'limga to‘liq jalb etiladi», deya vazirlik vakilining so‘zlarini keltirmoqda Kun.uz muxbiri.

    Tadbirda ta'lim jarayonini tashkil etishda haftalik o‘quv kunlari OTM tomonidan mustaqil belgilanishi ma'lum qilindi.

    «Haftalik o‘quv kunlari o‘quv rejasidagi haftalik yuklamalar asosida belgilanadi. Bugungi kunda o‘quv rejalaridagi fanlarga ajratilgan haftalik yuklamadan kelib chiqadigan bo‘lsak, haftalik o‘quv kuni 5-6 kunga to‘g‘ri keladi. Bunda talabalarning kunlik yuklamasi ham oshib ketmasligi lozim», degan vazirlik vakili.

    • Ma'lumot uchun, 2020 yil 16 noyabrdan O‘zbekistonda oliy ta'lim muassasalarida o‘quv jarayonlari an'anaviy shaklda tiklana boshlagan, faqat birinchi va bitiruvchi bosqich talabalari an'anaviy darslarga chaqirilgandi. Shu bilan birga, talabalarning o‘zi an'anaviy yoki onlayn ta'lim shaklini tanlashi mumkin edi. Endilikda an'anaviy darslar barcha bosqich talabalariga taalluqli hisoblanadi.
    #Farhod Babashev #an’anaviy ta’lim

    Tavsiya etamiz

    So‘nggi yangiliklar

    Barcha yangiliklar

    Mavzuga oid

    18:20 / 06.02.2022

    “Go‘yo biz teatrdagi qo‘g‘irchoq” – talabalarning an’anaviy ta’limga qaytilishiga munosabati

    16:45 / 03.02.2022

    An’anaviy o‘qish tiklanishi tufayli qo‘shimcha reyslar qo‘yilishi mumkin

    21:24 / 02.02.2022

    Talaba va o‘quvchilarga chiptalar uchun 50 foizlik chegirmalar saqlab qolinadi

    19:33 / 10.01.2021

    XTV o‘quvchilarning bir qismiga o‘qishni onlayn ta'limda davom ettirishiga ruxsat berdi