Tadbirning savol-javob qismida Kun.uz muxbiri agentlik direktori o‘rinbosariga shunday savol berdi:
– Odatda biz korrupsionerlar deganda erkaklarni tasavvur qilamiz. Mana, gender tenglik to‘g‘risida ko‘p gaplar gapirilmoqda, ayollar turli lavozimlarga tayinlanmoqda. Aynan ayollar orasida korrupsiya holatlari o‘rganilyaptimi?
Umida To‘xtasheva savolga quyidagicha javob berdi:
– Ayollar orasida korrupsiya holatlari bo‘yicha hozircha alohida tadqiqot olib borilmagan. Lekin shuni aytishimiz mumkinki, ayollarda korrupsiyaga moyillik erkaklarga nisbatan ancha past bo‘ladi. Chunki ayol birinchi navbatda ona, u farzandlari kelajagi, oilasi tinchligini o‘ylaydi.
Tadbirda ishtirok etayotgan Senat raisi Tanzila Norboyeva ham mavzu bo‘yicha o‘z fikrlarini bildirdi:
– Bu juda muhim va qiziqarli masala. Korrupsiyaga qarshi kurashish agentligiga kelajakda bu borada alohida o‘rganishlar olib borishni tavsiya qilamiz.
