18:11 / 07.06.2021
6667
Хорижий тилларни ўрганишни оммалаштириш агентлиги раҳбари тайинланди

Хорижий тилларни ўрганишни оммалаштириш агентлиги директори вазифасини вақтинча бажариш агентлик директор ўринбосари Санжар Обидовга юклатилди.

Санжар Обидов

Ҳукуматнинг тегишли қарорига кўра, Ўзбекистон Республикаси Вазирлар Маҳкамаси ҳузуридаги Хорижий тилларни ўрганишни оммалаштириш агентлиги директорининг ўринбосари Санжар Омонхўжаевич Обидов агентлик директори вазифасини вақтинча бажарувчи этиб тайинланди.

Санжар Обидов 2014-2017 йилларда Олий ва ўрта махсус таълим вазирлиги халқаро алоқалар бўлими, 2017-2018 йилларда Таълим инспекциясида бўлим бошлиғи, 2018-2020 йилларда Мактабгача таълим вазирлиги бошқарма бошлиғи ўринбосари, 2020-2021 йилларда Таълим инспекциясида Педагог кадрлар сифати назорати, таълим ҳужжатларини легаллаштириш, тан олиш ва нострификация қилиш бош бошқармаси бошлиғи, 2021 йил 20 майдан Хорижий тилларни ўрганишни оммалаштириш агентлиги директори ўринбосари лавозимларида фаолият юритган.

Вазирлар Маҳкамаси ҳузурида Хорижий тилларни ўрганишни оммалаштириш агентлиги ташкил этилиши Президент Шавкат Мирзиёевнинг 6 май куни ўтказилган чет тилларини ўқитиш тизимини такомиллаштириш чора-тадбирлари юзасидан ўтказилган видеоселектор йиғилишида маълум қилинган эди.

Top