Yevro-2020. E guruhi
Ispaniya — Shvetsiya — 0:0
Ispaniya: Simon, Jordi Alba, Lyaport, Pau Torres, Koke (Ruis, 87), M.Lorente, Olmo (Moreno, 74), Ernandes (Tiagu Alkantara, 66), Torres (Oyyarsabal, 74), Morata (Sarabiya, 66), Pedri.
Shvetsiya: Ulsen, Lustig (Kraft, 75), Augustinsson, Lindelyof, Danielson, Seb.Larsson, Ekdal, Forsberg (Bengsson, 84), Olsson (Kayuste, 84), Berg (Klasson, 69), Isak (Kuayzon, 69).
Ogohlantirish: Lustig, 55.
Hakam: Vinchich. Klanchnik, Kovachich (barchasi — Sloveniya).
VAR: Klanchnik (Sloveniya). Bets, Kavana (ikkisi — Angliya), Blom (Niderlandiya).
14 iyun. Sevilya. «Olimpiyskiy» stadioni. 10559 tomoshabin.
Ispaniyaning hozirgi tarkibi imkoniyatlari borasida turnirdan oldin ancha ehtiyotkorlik bilan gapirishdi va Luis Enrike shogirdlarini favoritlar qatoriga qo‘shishga shoshilishmadi. «Qizil furiya» safida bo‘lganlardan hozir faqat ikki kishi qolgan: Jordi Alba hamon boshlang‘ich tarkibda maydonga chiqmoqda, Serxio Buskets esa koronavirusga chalingan. Natijada Yevro arafasida ispanlar jamoasining barcha futbolchilari emlandi, shvedlarga qarshi esa ular immun javobi fonida o‘ynashdi.
Ahamiyatliroq bo‘lgan boshqa fon ham bor. Luis Enrike Yevropa chempionatiga Serxio Ramosni zayavka qilmagan, bu esa sal qolsa mamlakatda fuqarolik urushiga sabab bo‘lardi. Murabbiy bu qarorga 27 yoshga chiqib nihoyat terma jamoaga munosib o‘ynay boshlagan Emerik Lyaport tufayli keldi. Bu o‘yin uning uchun Ispaniya libosidagi ikkinchi o‘yin bo‘ldi, u o‘smirlar va yoshlar jamoalarida Fransiya termasi sharafini himoya qilgandi.
Enrikega tarkib borasida e'tirozlar birgina Ramos bilan cheklanmaydi. Unga yakunlangan mavsumda «Atletik Bilbao» safida umidli harakat qila olmagan darvozabon Unai Simon (u La Liganing 37 o‘yinida 36 gol o‘tkazgan, jamoa turnirni 10-o‘rinda yakunlagan) tanlovi borasida ham savollar yetarli. Shuningdek, «Atletiko»ning chempionlik mavsumida hujumkor pozitsiyada o‘ynagan Markos Lorenteni o‘ng qanot himoyasiga qo‘ygani tushunarsiz hol.
Istalgan murabbiy kabi Enrike o‘z tanqidchilariga yaxshi natijalar bilan javob qaytarishi mumkin. O‘yin boshidayoq ispanlar to‘pga egalik qilishdi va shvedlarni o‘yin davomida yugurishga majbur qilishdi. Birinchi bo‘lim o‘rtalarida to‘pga egalik qilish bo‘yicha ustunlik qoyil qolarli edi — 81 foizga 19 foiz.
