Музработ туманидаги «Ханнаева Айсаат» ф/х бошлиғи Ойсоат Ханнаева ижтимоий тармоқ орқали раҳбарларга мурожаат қилиб, ИИБ ходими Эргашев Тўра комбайнни бошқа ҳудудга олиб кетиш мақсадида 2 га ғаллани мажбуран ўрдирганини, конбайн буғдойни янчиб хирмонга зарар етказганини билдирган.

Ушбу ҳолат бўйича вилоят ИИБ расмий муносабат билдирди.

Аниқланишича, фермер режанинг 36 тоннасини бажара олмаган. Ўримнинг охирги куни 480 кг буғдой талон-торож қилинган. Мазкур ҳолат юзасидан далолатнома расмийлаштирилган.

Фермер тахминан 1,5 га майдондаги ғаллани ўрдиришга қаршилик қилган. Кечки соат 20:00ларда 1,5 га майдондаги ғалла ўрдирилиб, туман ғалла омборига топширилган.

Ҳолат юзасидан, Миллий гвардия томонидан МЖтКнинг 61-моддаси билан маъмурий жавобгарликка оид иш қўзғатилган.

Музработ тумани ИИБ ходими Тўра Эргашевнинг хатти-ҳаракатлари юзасидан идоравий хизмат текшируви ўтказилмоқда.