Janubiy Koreya kompaniyasi Buxorodagi tarixiy obidalarning raqamli nusxasini yaratadi

Janubiy Koreyadagi «EGIS» kompaniyasi Buxoro shahridagi tarixiy obidalardan birining raqamli nusxasini yaratish loyihasini amalga oshiradi.

Ushbu kompaniya direktori Li Kvang Se boshchiligidagi delegatsiya vakillari viloyat hokimi Botir Zaripov bilan uchrashib, qator masalalarni muhokama qildi. 

Buxoro viloyati hokimligi xabariga ko‘ra, loyiha amalga oshgandan so‘ng tarixiy yodgorlikni saqlash, boshqarish va mahalliy hamda xorijiy turistlar uchun majmua bo‘ylab virtual sayohat qilish imkoniyati yaratiladi. Buning uchun Koreya Respublikasi hukumati tomonidan 150 ming dollar miqdorida grant mablag‘lari ajratish mo‘ljallangan.

Loyihani amalga oshirish ishlari yil yakuniga qadar tugallanishi rejalashtirilgan.