Qayd etilishicha, 2019-2028 yillar davrida O‘zbekistonda qattiq maishiy chiqindilar bilan bog‘liq ishlarni amalga oshirish strategiyasi doirasida 96ta chiqindilarni qayta yuklash ko‘chma stansiyalari tashkil etish va qayta yuklash stansiyalarini 230ta maxsus texnika va 520ta konteyner bilan ta'minlash ko‘zda tutilgan.
“Poligonlarni optimallashtirish va yangi poligonlar qurish uchun 928 mln AQSh dollari va qayta yuklash stansiyalarini qurish uchun 144 mln dollar, maxsus texnika va konteyner xarid qilish uchun 406 mln dollar miqdorida mablag‘lar talab etiladi”, deyiladi ma'lumotda.
Ta'kidlanishicha, poligonlarni optimallashtirish va yangi poligonlar qurish ishlarini xalqaro moliya institutlarining kredit mablag‘lari evaziga amalga oshirish hamda kredit mablag‘larini “Ekologik yig‘im” hisobidan qoplab borish ko‘zlangan.
