Toliblar Rossiyadan harakatni sanksiyalar ro‘yxatidan chiqarishni so‘radi

8-9 iyul kunlari "Tolibon" delegatsiyasi Rossiyaga tashrif buyurdi va Rossiya prezidentining Afg‘oniston bo‘yicha maxsus vakili Zamir Kabulov bilan uchrashuv o‘tkazdi.

Foto: RIA Novosti

"Tolibon" Rossiya tomoni bilan harakatga nisbatan qo‘yilgan sanksiyalarni olib tashlash masalasini muhokama qilmoqda. Bu haqda harakatning Dohadagi siyosiy ofisi vakili Suhayl Shahin ma'lum qildi.

8-9 iyul kunlari "Tolibon" delegatsiyasi Rossiyaga tashrif buyurdi va Rossiya prezidentining Afg‘oniston bo‘yicha maxsus vakili Zamir Kabulov bilan uchrashuv o‘tkazdi.

"Biz Rossiya hukumatidan BMT xavfsizlik kengashining sanksiyalar ro‘yxatidan chiqarishini so‘radik", - dedi Shahin.

Ta'kidlanishicha, toliblar va AQSh o‘rtasida 2020 yilda tuzilgan kelishuvda harakatni barcha "qora ro‘yxatlar"dan chiqarib yuborish ko‘zda tutilgan va Vashington buning ustida ishlamoqda.

Avvalroq "Tolibon" harakati Moskvada o‘tkazilgan uchrashuvda Afg‘onistondan Rossiya va Markaziy Osiyodagi boshqa qo‘shni davlatlarga hujum qilish uchun foydalanilishiga yo‘l qo‘yilmasligini ma'lum qilgandi. Shuningdek, harakat Tojikiston va Afg‘oniston o‘rtasidagi chegaraga hujum qilmaslikka va'da bergan.

#Rossiya #sanksiya #Tolibon