Yevroda özini körsatgan futbolçilar. Ular endi top-klublarda paydo bölişi mumkin

Manuel Lokatelli («Sassuolo», Italiya)

Beş yil muqaddam 18 yoşda bölgan uşbu italiyalik «Milan»ning asosiy tarkibida debyut qilgan, ammo köp vaqt ötmay «rossoneri» uning xizmatlaridan voz keçib, uni «Sassuolo»ga sotib yuborgan. Bu klubda u yetakçi va sardorga aylandi, tayanç yarimhimoyasida işonçli öyinlari bilan közga tuşdi, ammo Mançini uning hujumdagi qobiliyatlarini kaşf etdi. Yevro-2020da Lokatelli çinakamiga porladi, haqiqiy universallar kabi öynab, raqiblardan töpni olib qöyişdan va hujumlar taşkil etişdan tinmadi va endi u bir oyoği bilan «Yuventus»da bölib turibdi. Qolaversa, unga «Arsenal» qiziqiş bildirmoqda. Ammo Manuel faoliyatini Italiyada davom ettirişni maqsad qilgan. Yaqin vaqtlar içida «Sassuolo» rahbariyati turinliklar bilan uçraşuv ötkazmoqçi, unda Lokatellining kelajagi masalasi hal qilinadi.

Patrik Şik («Bayyer», Çexiya)

Şik Yevro-2020ni kutilganidan ança kuçli ötkazdi, uning terma jamoasi ham. Patrik Ronaldu kabi beşta gol urdi, ammo portugaliyalik yulduz bir golli pasi evaziga turnirning eng yaxşi töpurari sifatida taqdirlandi. Lekin Şik turnirning eng çiroyli goli muallifiga aylandi - Şotlandiyaga qarşi öyinda maydonning ikkinçi qismidan turib darvozani işğol etdi. Hozirda Şikka «Milan» faol ravişda qiziqiş bildirmoqda. Çexiyalik hujumçi A Seriyaga qaytiş ehtimoli yuqori, u avval «Sampdoriya» va «Roma» kabi klublarda öynagan. Nemislar bu futbolçi uçun 40 mln yevro istamoqda, «Milan» esa Çempionlar ligasi uçun tarkibni kuçaytiriş maqsadida bunday katta summalarni tölaşga tayyor.

Aleksander Isak («Real Sosedad», Şvetsiya)

Şvedlar turnirni 1/8 finalda tark etişdi, jamoadagi asosiy  ijroçi esa Emil Forsberg böldi. Ammo 21 yoşli Isak ham jamoasi guruh bosqiçidan çiqişida munosib hissa qöşdi, Yevro-2020da gol urolmagan bölsa-da, hujumlarda foydali böldi, hujumlarni aynan u taşkil etdi, jamoa öyini u orqali qurildi. Ibrahimoviç uni bejiz «yangi Zlatan» deb atamaganini isbotladi. Uni çindan ham katta kelajak kutmoqda. Şu vaqtgaça faqat Ispaniya çempionati muxlislari uçun taniş bölgan hujumçiga endi «Liverpul», «Mançester Siti» va «Real» kabi klublar da'vogar bölmoqda, ammo Isak hozirça «Real Sosedad»da qolişni ixtiyor etmoqda va ispan klubi bilan yangi beş yillik şartnoma imzoladi.

Roman Yaremçuk («Gent», Ukraina)

Ukrainalik hujumçi Belgiyada mavsumni a'lo darajada ötkazdi (41 öyinda 22 gol), Yevropa çempionatida Niderlandiya va Şimoliy Makedoniya jamoalariga bittadan gol urdi, Yarmolenko bilan terma jamoada hujum tandemini taşkil qildi. Guruh bosqiçidagi öyinlaridan keyinoq unga «Milan» e'tibor qaratdi, ammo hozirda, jurnalist Janluka Di Marsioning ma'lumotiga köra, Yaremçuk va uning vakillari «Benfika» bilan muzokaralar ötkazmoqda. Uning vakillari Belgiyadagi tört yildan keyin Portugaliyaga yöl olişni mantiqiy qadam sifatida baholaşmoqda.

Yoakim Mehle («Atalanta», Daniya)

Daniyalik himoyaçi Daniyaning kutilmagan qahramonlaridan biriga aylandi. U ikki öyinda gol urdi, Çexiya bilan öyinda gollardan biriga uzatma muallifi böldi. Angliyaliklar bilan öyinga qadar Mehle Daniya safida darvoza sohasiga aniq yöllangan zarbalar soni böyiça yetakçi edi, endi u milliy jamoa tarkibining ajralmas qismiga aylandi. Yevro-2020da bunday muvaffaqiyatli iştirok  etişida «Atalanta» jamoasi boş murabbiyi Jan Pero Gasperinining ham xizmatlari bor. Mehle Bergamoga şu yil qişida kelgandi, şu tufayli uni klub şu yozdayoq transfer qilişini kutiş qiyin.

Robin Gosens («Atalanta», Germaniya)

«Atalanta»ning yana bir futbolçisi Yevropa çempionatida özini yaxşi tomondan körsatdi. Gosens Portugaliyaga qarşi öyindagi tört golning barçasida iştirok etdi va öyinning eng yaxşi futbolçisi nomiga sazovor böldi. Aynan şu öyindan keyin Robinga «Barselona» va «Yuventus» e'tibor qaratdi. Turinliklar uşbu futbolçini tarkibga qöşib olişga ahd qilgan, ammo «Atalanta» Gosens uçun kamida 40 mln yevro talab qilmoqda. Futbolçining özi faoliyatini keyingi bosqiçga kötaruvçi qiziqarli taklif kelib tuşsa, öylab körişini aytib ötgan.

Dani Olmo («RB Leypsig», Ispaniya)

Olmo yarimfinalda Italiya darvozasiga penaltilar seriyasida gol ura olmagan bölsa-da, aynan u ispanlarning Xorvatiya ustidan ğalabasini ta'minlagandi, u Yevroda qöşimça bölimlarda ikki golli pas bergan ilk futbolçiga aylandi. Milliy jamoa turnirni ertaroq tark etgan bölsa-da, Dani Ispaniya kelajagi işonçli futbolçilarda ekanini körsatib berdi. Italiyadagi Corriere dello Sport gazetasi xabariga köra, bu yozda Olmo uçun «Barselona» va «Real» jamoalari örtasida kuraş keçadi.

Kalvin Fillips (Angliya)

Kalvin Fillips Angliya termasiga bir yil oldin çaqiruv olgandi, Yevro-2020da u kutilmaganda asosiy markaziy yarimhimoyaçiga aylandi. Unga qadar bu pozitsiya Jordan Hendersonniki edi. Ammo Fillips şu qadar kuçli öyin körsatdiki, maydon markazini öziniki qildi va Sautgeytda tanlov qoldirmadi. Bundan taşqari, Fillips – angliyaliklarning barça öyinlarida töliq harakat qildi, turnirda eng köp yugurgan futbolçilardan biri böldi - 82,99 km (Jorjinodan keyin ikkinçi). Milliy jamoada eng köp hajmda iş bajargan futbolçi aynan «Lids» a'zosi böldi. Endi uning agentini juda köplab qönğiroqlar kutmoqda.

Domeniko Berardi (Italiya)

Roberto Mançini qanday qilib bunday kuçli jamoa tuzganini köpçilik tuşunayotgani yöq. Uning asosiy qurollaridan biri butun faoliyatini «Sassuolo»da ötkazmoqda – aynan Domeniko Berardi kutilmaganda Italiya hujumi yetakçilaridan biriga aylandi. U hujum çiziğida Immobile va Insine bilan yaxşi hamkorlik qildi va 1 gol urib, 1 golga uzatma berdi. Yevro-2020da asosiy tarkibning ajralmas futbolçisiga aylana olmagan bölsa-da, «Milan» uning transferi uçun pul tayyorlamoqda, futbolçi uçun asosiysi – katta klubda ham barqaror öynaşda davom etiş.