Britaniya mudofaa vaziri Afg‘onistondan AQSh qo‘shinlari olib chiqib ketilishini xato deb atadi

Britaniya mudofaa vaziri Ben Uolles Afg‘onistondan AQSh qo‘shinlari olib chiqib ketilishi oqibatida jahon hamjamiyati jabr ko‘rishi mumkinligini aytdi, deb xabar berdi Sky News telekanali.

«Qo‘shinlarni olib chiqib ketish xato bo‘ldi deb o‘ylayman. Bu xato oqibatlari jahon hamjamiyatiga qimmatga tushadi», — dedi Uolles.

Uning so‘zlariga ko‘ra, xalqaro koalitsiyaga rahbarlik qilayotgan AQSh shunday qarorga kelgani bois boshqa mamlakatlar ham ana shunday qaror qabul qildi. Uolles «Al-Qoida» Afg‘onistonga qaytishidan xavotirlanmoqda.

«Men xavotirdaman, hozir bunday qaror uchun noqulay vaqt, chunki «Al-Qoida» qaytadi», — dedi u.

Buyuk Britaniya mudofaa vaziri 2020 yilda Qatarda AQSh va «Tolibon» o‘rtasida tuzilgan kelishuvni ham xato deb aytdi. Uollesning ta'kidlashicha, aynan o‘sha kelishuv toliblarning tashabbusga ega bo‘lishi va Afg‘onistonda harbiy g‘alabaga erishishiga imkon bergan.