“O‘zsuvta’minot” AJ respublikada elektr ta’minoti bilan bog‘liq yirik uzilishlar nasoslar to‘xtagani sabab suv ta’minotiga ham ta’sir qilayotgani yuzasidan rasmiy axborot berdi.
“Respublika miqyosida elektr energiyasi bilan bog‘liq muammolar yuzaga kelgani sababli ichimlik suvi yetkazilishida ham vaqtinchalik uzilishlar yuzaga kelmoqda. Chunki tizimlar bir-biri bilan chambarchas holda ishlaydi. Elektr energiyasi tiklanganidan so‘ng ham texnik jihatlarni inobatga olib, suv ta’minoti tizimida kechikishlar bo‘lishini ma’lum qilamiz.
Keltirilgan noqulayliklar uchun uzr so‘raymiz”, – deyiladi jamiyat tarqatgan xabarda.
