O‘zbekiston hududlarida soat 19:30 holatiga ko‘ra elektr energiyasi bilan bog‘liq vaziyat bo‘yicha ma’lumot

Soat 19:30 holatiga, O‘zbekistonning quyidagi hududlarida elektr ta’minoti tiklangan:

1. Qoraqalpog‘iston Respublikasi — elektr ta’minoti to‘liq tiklangan;

2. Andijon viloyati — Andijon shahri 35%, Xonobod 100%, mavjud, asosiy tibbiyot muassasalari elektr ta’minotiga ulangan;

3. Buxoro viloyati — Olot, Qorako‘l, Qorovulbozor va Peshku tumanlarida to‘liq, Vobkent tumanida 20%, Romitan tumanida esa 40 % elektr ta’minoti tiklandi;

4. Jizzax viloyati — hozircha viloyatning 10–15 foizi elektr ta’minoti bilan ta’minlandi;

5. Qashqadaryo viloyati — to‘liq elektr ta’minotidan uzilgan, tiklash-sozlash ishlari olib borilmoqda;

6. Navoiy viloyati — Navoiy shahrida 60%, Karmana tumanida 55%, Navbahor tumanida 40%, Konimex tumanida 35% va Nurota tumanida 70% iste’molchilarda elektr ta’minoti tiklandi;

7. Namangan viloyati — hozircha qisman tibbiyot muassasalari hamda suv ta’minoti korxonalari elektr ta’minotiga ulangan;

8. Samarqand viloyati — Samarqand shahrida 45%, Samarqand tumani 15%, Paxtachi tumanida 100%, Kattaqo‘rg‘on tumani va Kattaqo‘rg‘on shahri 8%, Narpay va Past Darg‘om tumani 30% elektr ta’minoti mavjud;

9. Surxondaryo viloyati — Denov, Sariosiyo, Uzun tumanlari va Denov shahri 100% elektr ta’minoti mavjud. Oltinsoyda 70% iste’molchilar tarmoqqa ulandi;

10. Sirdaryo viloyati — Guliston shahri 60%, Yangiyer 60%, Shirin shahri 100%, Boyovut 30%, Sayxunobod tumani 20%, Guliston tumani 20%, Mirzaobod tumani 10%, Xovos tumani 50% elektr tarmog‘iga ulandi;

11. Toshkent viloyati — Olmaliq shahar 70%, Angren shahar 50%, Chirchiq 70%, Ohangaron shahar 100 %, Bo‘ka tumani 40 %, Bo‘stonliq 90%, Qibray 70%, Ohangaron tumani 80%, Parkent 100%, Toshkent tumani 60%, Yuqori Chirchiq tumani 60% iste’molchilar tarmoqqa ulandi;

12. Farg‘ona viloyati — Farg‘ona shahri 50%, Qo‘qon shahri 5%, Uchko‘prik tumani 40%, O‘zbekiston tumani 20%, Farg‘ona tumani 10%, Dang‘ara tumani 40%, So‘x tumani 100%, qolgan hududlarda asosiy tibbiyot muassasalari elektr ta’minotiga ulangan;

13. Xorazm viloyati — elektr ta’minoti to‘liq tiklangan;

14. Toshkent shahri — Mirzo Ulug‘bek 100%, Yunusobod 50%, Shayxontohur 10%, Olmazor 20%, Yakkasaroy 10%, Yashnobod 50%, Mirobod 40% va Sergeli tumanida 10% iste’molchilar tarmoqqa ulandi.

Vazirlik axborotiga ko‘ra, Toshkent issiqlik elektr stansiyasining 7 ta energoblokidan 5 tasi barqaror faoliyat yuritishni boshlagan.

“Mamlakatimizning barcha hududlarida, xususan Poytaxtimiz va uning atrofida elektr ta’minoti bosqichma-bosqich tiklanib, elektr tarmoqlari va podstansiyalar orqali iste’molchilarga elektr energiyasi yetkazib berilmoqda.

Misol uchun, elektr ta’minotida yirik nosozlik kuzatilgunga qadar Toshkent issiqlik elektr stansiyasining 7 ta energoblogi ishlab turgan edi. Ayni paytda esa sozlash-tiklash ishlari olib borilib, ularning 5 tasi barqaror ish faoliyatiga keltirildi”, – deyiladi vazirlik axborotida.