AeroVironment O‘zbekistonga Puma 3 AE harbiy dronlarini yetkazib beradi

AQSh armiyasining shartnomalar bo‘yicha qo‘mondonligidan 8,54 million dollarlik kelishuv bo‘yicha uchuvchisiz uchish apparatlarini yetkazib berish 2022 yil 30 noyabrgacha yakunlanadi. 

AQSh Mudofaa vazirligi shartnoma bo‘yicha qancha Puma 3 AE tizimi taqdim etilishini oshkor qilmadi, biroq Shephard Defence Insight bunday dronning bittasini uchuvchisiz uchish apparatlari uchun 225 000 dollarga baholamoqda. Bu O‘zbekistonga 38 ga yaqin uchuvchisiz uchish apparatlari keltiriladi, degani. 

Puma 3 AE jangovar harakatlar zonasidagi bo‘linmalarga real vaqtda razvedka ma’lumotlarini to‘plash imkonini beradi. Qurilma quruqlikda va dengiz sharoitida ishlatilishi mumkin, uni bir kishi olib yuradi, qo‘ldan ishga tushiriladi. 

Uchuvchisiz uchish apparatining qanotlari kengligi 9,2 fut (2,8 m), maksimal uchish og‘irligi 15 funt (6,8 kg)ni tashkil qiladi. Apparat Mantis i45 kuzatuv bloki bilan jihozlangan. Uning parvozi davomiyligi kunning istalgan vaqtida uzluksiz kuzatish va yuqori aniqlikdagi tasvirni chiqarish bilan taxminan 2,5 soatni tashkil qiladi. 

Uchuvchisiz uchish apparati standart antenna bilan ko‘rish chizig‘ida 20 kilometrgacha va LRTA (long-range tracking antenna) uzoq masofali kuzatuv antennasi bilan 60 kilometrgacha bo‘lgan masofada vazifalarni bajaradi. Qurilma suv o‘tkazmaydi va suvga tushishi mumkin. 

Qo‘shma Shtatlarning bu kompaniyasi Toshkent bilan avval ham hamkorlik qilgan - 2019 yilda to‘rtta RQ-11 Ravenmini PUA uchuvchisiz uchish apparatini yetkazib bergan.