16:21 / 07.05.2022
3753
Хитойда вояга етмаганларнинг блогерларга виртуал совғалар жўнатиши тақиқланди 

Бу тақиқ ByteDance Ltd., Kuaishou Technology каби Хитой интернет-гигантларига таъсир қилиши мумкин. 

Фото: Wang Zhao

Хитойда вояга етмаганларнинг стриминг платформаларда блогерларга виртуал совғалар жўнатиши тақиқланди. Бу ҳақда Bloomberg хабар берди.

Интернет саноати устидан назорат ўрнатиш чоралари доирасида киритилган янги қоидаларга кўра, тўғридан тўғри трансляциялар тақдим этувчи платформалар вояга етмаганлар учун онлайн-ўтказмалар амалга ошириш ёки виртуал совғалар сотиб олиш имкониятини бера олмайди. Қайд этилишича, бу тақиқ ByteDance Ltd., Kuaishou Technology каби Хитой интернет-гигантларига таъсир қилиши мумкин. 

Бундан ташқари, ҳукумат платформалардан вояга етмаганларга соат 22:00дан кейин блогерларнинг тўғридан тўғри трансляцияларини томоша қилишни тақиқлашни талаб қилди. 

Хитой ҳукумати апрел охирларида Tencent, Meituan ва бошқа IT-гигантлар билан технологик соҳадаги назоратни сусайтиришни муҳокама қилганди. 

Top