Qashqadaryo viloyati Shahrisabz tumani hokimi Hasan Samadov shu kunlarda internet yulduziga aylandi. Ijtimoiy tarmoqlarda ushbu amaldor tumandagi xonadonlardan biriga kirib, uydagi tozalikni tekshirgani va mavjud holatni tanqid qilib, uy egasini farzandi oldida koyib bergani aks etgan video tarqaldi.
11 daqiqayu 6 soniya davom etgan videoda hokim bir necha bor o‘z vakolatlari doirasidan chetga chiqib, ayolning shaxsiy hayotiga aralashgani, uni kamsitgani va qo‘rqitganini ko‘rish mumkin.
Xususan, u «bu uyga normal odam kelin bermasligi»ni iddao qiladi.
«Yashashni qarang… Shu ayolning yashashimi? Mana bu choynakka qarang. O‘rgimchak to‘riga qarang. Shu ro‘zg‘ormi? Mana bu changga, muzlatkichdagi kirga qarang. Ushlab bo‘ladimi buni?» – deydi hokim ochiq osmon ostida turgan buyumlarga birma-bir teginib.
Hokim ayolni kamsitishda davom etib, o‘z uyidagi holat bilan bu uydagi holatni umuman solishtirib bo‘lmasligi, xohlasa, uni uyiga olib borib, gapini isbotlashi mumkinligini aytadi.
«Mashinamga o‘tirasiz, sizni uyimga olib boraman. Bizning ro‘zg‘orni ko‘rasiz, hamma joyga kiring. Nima uchun meni ro‘zg‘orimda hammasi toza turadi? Nega hammamiz aynan shunday yashamaymiz? Men buni o‘zimni maqtash uchun aytayotganim yo‘q. Agar sizni tanqid qilishsa, qanday bo‘lishi kerakligi bilan qiziqishiz mumkin», – deydi hokim.
Bundan tashqari, Samadov uy egasini peshin vaqtida uxlayotgani uchun ham tanqid qilgan va o‘zi bu vaqtda ishlayotganini pesh qilgan.
«Abedda nega biz yotmayapmiz. Biz uxlolmayapmiz-ku abedda! Shu gapiniyam olinglar, abedda biz uxlaymiz-da, deganini», – deya davom etadi tuman rahbari.
Reyd oxirida u uydagi holat uchun jarima qo‘llanishini aytadi.
«Ertaga yana kelaman. Hozir jarimani urasiz. Ko‘cha, uyini, yashash, axlat, hammasi uchun jarima urasiz. Menga birortasidan men iltimos qildim, kechirim so‘radi degan gap kerak emas», – deya buyruq beradi hokim bu holatni kameraga olib yurgan boshqa bir mas’ulga.
Yopishmagan izoh
Bu video ijtimoiy tarmoqlarda keng tarqalib, hokim tanqidlar nishoniga aylandi. Xususan, mansabdor shaxs fuqaroning shaxsiy hududiga bu tarzda aralashishi qanchalik qonuniy ekani savol ostiga olinmoqda.
Hokimlik matbuot xizmati esa «Daryo» nashriga holat yuzasidan shoshilinch izoh
