Mountain Dew «yo‘ltanlamaslar» poygalarida

Mountain Dew 4x4 g‘ildirak formulali avtomashinalar sohiblariga unutilmas hislarni taqdim etdi. Aniqrog‘i, ushbu brend homiyligida yo‘ltanlamas avtoulovlar ishtirokidagi OFFROAD MIX CHALLENGE havaskor poygachilar musobaqasi o‘tkazildi.

Bu shunchaki poyga emas, avtomobil ishqibozlari uchun mislsiz maroq, ko‘tarinki ruh va zavq-shavq bag‘ishlagan kun sifatida yodda qoldi.

Musobaqada bir vaqtning o‘zida bir nechta tarkibiy qismlar - trial jipi, sprint jipi va GPS mo‘ljal kabilar qamrab olindi. Tadbir maxsus tayyorlangan, signal lentasi bilan o‘ralgan va bir nechta bo‘limlarga bo‘lingan yopiq trassada o‘tkazildi. Ishtirokchilar esa layt va ekstrim toifasiga bo‘lindi.

Bu kabi yorqin va o‘ziga xos tadbirlar brendning asosiy g‘oyalari targ‘ibotida muhim ahamiyatga ega. Sir emaski, Yevropada mashhur ichimlik sanaladigan Mountain Dew mamlakatimiz bozoriga yaqinda kirib kelgan bo‘lsa-da, qisqa vaqt ichida o‘z xaridorlarini topib ulgurdi. Brend yoshlik, do‘stlik va sarguzashtlar ramzi sifatida iste’molchilar ko‘nglidan tobora chuqurroq joy egallab bormoqda. Poyga mavzusi ham ana shu yo‘nalishga to‘liq mos keladi. 

Eng muhimi, brend ushbu turdagi tadbirlarni qo‘llab-quvvatlash, sport avtoturizmini ommalashtirish, ichki turizmni rivojlantirish, sog‘lom va faol turmush tarzini targ‘ib qilish, sportchilarning texnik-taktik mahoratini oshirish, eng kuchli sportchilarni aniqlash va ular orasida o‘zaro tajriba almashinuvini rag‘batlantirishga baholiqudrat hissa qo‘shmoqda.

Tadbir doirasida, shuningdek, Mountain Dew brendi Toyota land cruiser 70 avtomobilida ishtirok etgan poygachilar bilan hamkorlikni yo‘lga qo‘ydi. Ushbu avtomobil ekstrim toifada qatnashib, poygalarda faxrli birinchi o‘rinni egalladi. 

Bu natija ramziy ma’noda mazkur yo‘nalishdagi hamkorlikning ajoyib boshlanishi bo‘ldi, deyish mumkin.

Reklama huquqi asosida