15:52 / 02.08.2022
2957
Самарқандда «Хитой – Қирғизистон – Ўзбекистон» темирйўли қурилиши тўғрисида ҳужжат имзоланиши режалаштирилган

Тошкентда уч мамлакат ташқи сиёсат, савдо, иқтисодиёт ва транспорт масалаларига масъул бўлган вазирликлари раҳбарлари иштирокидаги «Ўзбекистон - Озарбойжон - Туркия» уч томонлама биринчи йиғилиши бўлиб ўтмоқда, деб хабар берди «Дунё».

Фото: Виталий Тимкив

Тадбирда сўзга чиққан Ўзбекистон ташқи ишлар вазифасини бажарувчи Владимир Норов қуйидагиларни қайд этди:

- Боку – Тбилиси – Карс темирйўли транзит салоҳиятидан фойдаланиш Ўзбекистон учун катта аҳамиятга эга, - деди у. - Бугун биз Хитой – Қирғизистон - Ўзбекистон темирйўли қурилиши лойиҳасининг техник-иқтисодий асосини ишлаб чиқиш устида иш олиб бормоқдамиз.

Билдирилишича, ШҲТ давлат раҳбарларининг шу йил 15-16 сентябр кунлари Самарқандда бўлиб ўтадиган саммитида тегишли уч томонлама ҳужжат имзоланиши режалаштирилган.

“Хитой - Қирғизистон - Ўзбекистон” темирйўл йўлагининг Транскавказ йўлаги билан боғланиши мамлакатлар ўртасида ягона транспорт тармоғини яратади ва Хитойдан Европага савдо географиясини кенгайтиради.

Таъкидланишича, шу боисдан Ўзбекистон Осиёдан Европага энг қисқа қуруқлик йўлини таъминлаши мумкин бўлган Зангезур йўлагининг тикланишидан манфаатдор.

Top