O‘zbekiston eksportidagi yetakchi 10 ta davlat ma’lum qilindi. Davlat statistika qo‘mitasi tegishli xabar bilan chiqdi.
Qo‘mita ma’lumotlariga ko‘ra, 2022 yilning yanvar-iyul oylarida O‘zbekiston eksportida yuqori ulushga ega bo‘lgan hamkor davlatlar orasida Rossiya yetakchilik qilmoqda – 1,5 mlrd dollar.
Keyingi o‘rinlardan mos ravishda 1,5 mlrd dollar va 1 mlrd dollarlik mahsulotlar sotilgan Xitoy va Turkiya joy oldi.
Ushbu ko‘rsatkich qolgan davlatlar kesimida quyidagicha ko‘rinishga ega:
- Qozog‘iston – 757 mln;
- Qirg‘iziston – 529 mln;
- Afg‘oniston – 415 mln;
- Tojikiston – 257 mln;
- Turkmaniston – 133 mln;
- Kanada – 105 mln;
- Eron – 100 mln AQSh dollari.