Ijtimoiy tarmoqlarda «Go‘zaldagi gaz zapravkada mashina yonib ketibdi» sarlavhasi ostida xabar tarqalgandi. Namangan viloyati favqulodda vaziyatlar boshqarmasi holat yuzasidan rasmiy munosabat bildirdi.
Ma’lum bo‘lishicha, 10 sentabr kuni soat 17:22 da Namangan shahri Yangi Namangan tumani «Mingchinor» mahalla fuqarolar yig‘ini Kosonsoy ko‘chasida joylashgan AGTKSh hududida davlat raqami 50 M 382 UA bo‘lgan Labo Damas avtomobilida yong‘in sodir bo‘lgan.
Yong‘in Namangan shahri FVB 3-yong‘in qutqaruv qismi yong‘in qutqaruvchilari tomonidan bartaraf etildi.
Hozirda sodir bo‘lgan yong‘in yuzasidan tergovga qadar surishtiruv ishlari olib borilmoqda.
