Sirdaryodagi yangi IES ikki hafta ichida O‘zbekiston yagona elektr tarmog‘iga ulanadi

Sirdaryoda quvvati 220 MVt bo‘lgan issiqlik elektr stansiyasi qurilishi yakunlanmoqda.

Foto: Dunyo

Turkiyaning Cengiz Enerji kompaniyasi tomonidan Sirdaryo viloyati Xovos tumanida quvvati 220 MVt bo‘lgan yangi gaz-porshenli issiqlik elektr stansiyasi qurilishini yakunlamoqda.

Obektda qurilish-montaj ishlari yakunlanib, sozlash va ishga tushirish ishlari bajarilmoqda.

9 oktabr kuni elektr stansiyaning ilk gaz-porshenli qurilmalari sinovdan muvaffaqiyatli o‘tdi.

Stansiya ikki hafta ichida O‘zbekistonning yagona elektr tarmog‘iga ulanib, quvvat uzatishni boshlaydi.

Elektr stansiyasi yiliga 1,7 milliard kVt-soat elektr energiyasi ishlab chiqarish imkoniyatiga ega.

Eslatib o‘tamiz, joriy yil 29 mart kuni Turkiya prezidentining O‘zbekistonga rasmiy tashrifi doirasida Sirdaryo viloyatida ushbu stansiya qurilishini boshlash marosimi bo‘lib o‘tgan edi.