«El-Klasiko» uchun chiqarilgan chiptalar bir soat o‘tmay sotildi

La Liga doirasidagi «Barselona» va «Real» o‘rtasidagi uchrashuv uchun chiqarilgan chiptalar bir soatga yetmay sotildi.

Marca xabariga ko‘ra, «Barselona» klub kartalariga ega muxlislar uchun chipta sotuvini 24 soat avval boshlagan. Qolgan chiptalar esa sotuv boshlanganidan bir soat o‘tmay erkin savdoda qolmay, sotib bo‘lingan. 

Ma’lumot uchun, La Liga 26-turi doirasida «Barselona» va «Real» o‘rtasidagi bahs 19 mart kuni «Kamp Nou»da bo‘lib o‘tadi. «Barsa» turnir jadvalida 62 ochko bilan peshqadamlik qilayotgan bo‘lsa, Madrid klubi 53 ochko bilan 2-o‘rinda bormoqda.