JCh U-20. O‘zbekiston Yangi Zelandiya bilan bahsda kambek qilib, mag‘lubiyatdan qutulib qoldi

Argentinada o‘tayotgan yoshlar o‘rtasidagi jahon chempionatida 2-tur o‘yinlari boshlandi. 

JCh U-20. A guruhi. 2-tur
O‘zbekiston — Yangi Zelandiya 2:2
Gollar: Fayzullayev (51), Esonov (90+3)  — Uolls (23), Herdman (41). 
O‘zbekiston U20 — Otabek Boymurodov, Diyor Ortiqboyev (Shahzod Ne’matjonov, 84), Abduqodir Husanov, Jahongir O‘rozov, Mahmud Mahamadjonov (Saidafzal Ahrorov, 68), Zafarmurod Abdurahmatov, Behruz Asqarov (Rustam Turdimurodov, 68), Umarali Rahmonaliyev, Nodir Abdurazzoqov (Sherzod Esanov, 46), Abbos Fayzullayev, Po‘oatxo‘ja Xoldorxonov (Shahzod Akramov, 90+2). 
Yangi Zelandiya U20 — Sims, O'Liri (Harvi, 46), Hyuz, Surman, Kelli, Makkey, Konchi, Uolls (Fay, 83), Herdman (Manuel, 87), Garbett (Supik, 63), Donkers (Kolloti, 63). 
Ogohlantirishlar: Rahmonaliyev (10), Makkey (18), O'Liri (24), Fayzullayev (86).

A guruhida 1-turda mezbonlarga yutqazgan O‘zbekiston yoshlar jamoasi bu safar Yangi Zelandiyaga qarshi to‘qnash kelib, 0:2 hisobidagi mag‘lubiyatdan qutulib qoldi. 

Dastlab 23-daqiqada Ben Uolls uzoq masofadan Boymurodov darvozasini ishg‘ol etdi.

Birinchi bo‘lim oxirlariga bori Boymurodov jarima maydoni tashqarisidan yo‘llangan yana bir zarbani o‘tkazib yubordi - bu vaziyatda darvozabon oldinga chiqib ketgandi.

Ikkinchi bo‘limda o‘zbekistonliklar yetakchisi Fayzullayev hisobni qisqartiruvchi golni urdi.

O‘yinga qo‘shib berilgan daqiqalarda esa Esonov hisobni tenglashtirib, jamoasiga turnirdagi ilk ochkoni taqdim etdi.

Argentina — Gvatemala 3:0
Gollar: Veliz (17), Romero (65), Perrone (90+8). 

Guruhning ikkinchi o‘yinida Argentina Gvatemalani sinovdan o‘tkazdi va yirik hisobdagi g‘alabaga erishdi.

O‘zbekistonga qarshi o‘yindagi gollardan birini urgan Veliz bu safar ham hisobni ochdi. Jamoa yetakchisi, «Manchester Siti» yarimhimoyachisi Perrone o‘yinda bir gol va bir golli uzatma muallifiga aylandi.

Endilikda guruhda Argentina ikki o‘yinda 100 foizlik natija qayd etgan holda muddatidan oldin keyingi bosqich masalasini hal qilishdi, Yangi Zelandiya 4 ochko bilan ikkinchi o‘rinda joylashgan.

Faqat bir ochkoga ega Ravshan Haydarov jamoasi so‘nggi turda 26 may kuni Gvatemala bilan o‘ynaydi.

Guruhlardagi (6 ta) eng yaxshi uchinchi o‘rin egalari (3 ta yo‘llanma)dan biri sifatida ham pley-offga chiqish mumkin, buning uchun o‘zbekistonlik futbolchilar uchinchi turda g‘alaba qozonishi talab etiladi.