Qoʻshimcha funksionallar
-
Tungi ko‘rinish
Qizil Xoch Ukrainaga insonparvarlik yordami uchun ajratiladigan mablag‘ni qisqartiradi
Xalqaro Qizil Xoch qo‘mitasi (XQXQ) Ukrainaga insonparvarlik yordami uchun ajratiladigan mablag‘larni qisqartirmoqda. Tashkilot bu qarorini XQXQning global miqyosdagi og‘ir moliyaviy ahvoli bilan izohladi.
Qisqartirishlarning aniq miqdori hali noma’lum, dedi tashkilot vakili Redaktionsnetzwerk Deutschland media-guruhi nashrlariga bergan intervyusida.
Biroq, 2023 yilda xayriyalarning asosiy qismi Ukrainaga yo‘naltiriladi. 2022 yilda Ukraina uchun XQXQ budjeti taxminan 435 million yevroni tashkil etdi.
Avvalroq Ukraina Bosh prokuraturasi Ukrainaning bosib olingan hududlaridan bolalarni Belarusga majburan deportatsiya qilishda ishtirok etgani munosabati bilan Belarusdagi Qizil Xoch tashkilotiga qarshi tergov boshlagandi. Bu haqda Ukraina bosh prokurori Andrey Kostin ma’lum qildi.
Uning so‘zlariga ko‘ra, Belarus Qizil Xoch tashkiloti o‘z harakatlari bilan «Jyeneva konvensiyalari normalarini, shuningdek, Qizil Xoch harakatining asosiy tamoyillarini qo‘pol ravishda buzmoqda».
Kostin Xalqaro Qizil Xoch Qo‘mitasini vaziyatga e’tibor qaratishga va «tegishli choralar ko‘rishga» chaqirdi.
Ukrainaning Rossiya tomonidan anneksiya qilingan hududlaridan bolalar Belarusdagi sog‘lomlashtirish lagerlariga «ta’tilga» jo‘natilyapti, biroq hammasi ham ortga qaytmayapti, ba’zilari Rossiya hududida g‘oyib bo‘lyapti, deya xabar berdi muxolifatdagi Inqirozga qarshi xalq boshqaruvi rahbari va Belarusning o‘tish davri qo‘shma vazirlar mahkamasi vakili Pavel Latushko 19 iyul kuni «Dojd» telekanaliga bergan intervyusida.
