Britaniya Shimoliy dengizda neft va gaz qazib olishni ko‘paytiradi

Bosh vazir Rishi Sunakning aytishicha, uglevodorod qazib olishning kengayishi uning mamlakatini Rossiya kabi davlatlardan mustaqilroq qiladi. Tabiatni muhofaza qiluvchilar Londonning neft qazib olish rejalaridan norozi.

Foto: Reuters

Buyuk Britaniya, ekologlarning noroziligiga qaramay, Shimoliy dengizda neft va gazni o‘zlashtirish uchun yuzdan ortiq yangi litsenziyalar beradi. O‘z resurslarini o‘zlashtirish Britaniyani Rossiya kabi davlatlardan mustaqilroq qiladi, dedi bosh vazir Rishi Sunak 31 iyul, dushanba kuni Londonda.

«Rossiya prezidenti Vladimir Putin energiyani qanday qilib qurolga aylantirganiga barchamiz guvoh bo‘ldik. U ta’minotni to‘xtatdi va shu tariqa ko‘plab mamlakatlarda rivojlanishni bo‘g‘ib qo‘ydi. Energetikamiz haqida gap ketganda, biz bunga qaram bo‘lishni istamaymiz», deb tushuntirdi Britaniya bosh vaziri.

Sunakning aytishicha, Shimoliy dengizga sarmoya kiritish o‘zboshimcha harakatlardan himoyalanishning muhim qismidir, shuning uchun hukumat neft va gazni o‘zlashtirish uchun yangi litsenziyalar berishni davom ettirishni rejalashtirmoqda.

Britaniya bosh vaziri, shuningdek, bu rejalar o‘z hukumatining iqlimni muhofaza qilish maqsadlariga mos kelishini ta’kidladi, chunki Buyuk Britaniya 2050 yilda energiyaga bo‘lgan ehtiyojining deyarli to‘rtdan bir qismini neft va gaz hisobidan qondiradi, o‘sha vaqtga borib parnik gazlar tashlamalari nolga tushirilishi kerak.

#Buyuk Britaniya #Shimoliy dengiz