Bastakor “Zij - Burjlar taronasi” asarini Sharqning to‘rt buyuk mutafakkiri: Al-Xorazmiy, Ibn Sino, Abu Rayhon Beruniy va Mirzo Ulug‘bek siymosiga hurmat tariqasida yaratgan.
YuNeSKO Bosh qarorgohida Abu Rayhon Beruniy hayoti va ijodiga bag‘ishlangan ko‘rgazma ochildi.
O‘zbekiston prezidenti yordamchisi Saida Mirziyoyevaning ma’lum qilishicha, shu munosabat bilan atoqli bastakor Dmitriy Yanov-Yanovskiy asarining jahon premerasi ham bo‘lib o‘tdi.
Bastakor “Zij - Burjlar taronasi” asarini Sharqning to‘rt buyuk mutafakkiri: Al-Xorazmiy, Ibn Sino, Abu Rayhon Beruniy va Mirzo Ulug‘bek siymosiga hurmat tariqasida yaratgan.
⠀
Alibek Kabdurahmonov boshchiligidagi O‘zbekiston Milliy simfonik orkestri ijrosi san’at ixlosmandlarini O‘zbekiston madaniy-tarixiy merosining yangi qirralari bilan tanishtirdi.
YuNeSKOning Parijdagi Bosh qarorgohida “Abu Rayhon Beruniy. Geografik va intellektual sayohatlar” ko‘rgazmasi ochildi. Ko‘rgazma buyuk alloma tavalludining 1050 yilligiga bag‘ishlangan.
Tashrif buyuruvchilar vizual installyatsiyalar yordamida Abu Rayhon Beruniyning hayoti va ijodi, kashfiyot va izlanishlari haqida ma’lumot olishlari mumkin. Ekspozitsiyada allomaning Fransiya milliy kutubxonasi fondidan yig‘ilgan qo‘lyozmalariga alohida joy ajratilgan.
