Serbiyaning «Radnik Surdulitsa» futbol klubi Oʻzbekiston milliy jamoasi yarimhimoyachisi Otabek Shukurovning transferini eʼlon qildi.
Bungacha 30 yoshli futbolchi «Baniyas» (BAA) klubida toʻp tepgan. Oʻtgan mavsum yakunlangach, klub yarimhimoyachi bilan shartnomani uzaytirmadi, shu munosabat bilan Shukurov erkin agentga aylandi.
«Radnik» klubi bilan tuzilgan shartnomaning muddati va moliyaviy shartlari eʼlon qilinmadi.
«Radnik» klubi 10 turdan keyin 14 ochko toʻplagan holda Serbiya chempionatida yettinchi oʻrinni egallab turibdi.
