AQSh falastinliklarni majburiy ko‘chirilishiga yo‘l qo‘ymaydi - Kamala Xarris

Shuningdek, AQSh G‘azodagi barcha garovga olinganlarni ozod qilish uchun «tinimsiz ta’qib»ni davom ettiradi.

Foto: Reuters

AQSh vitse-prezidenti Kamala Xarris «Qo‘shma Shtatlar hech qanday sharoitda falastinliklarni G‘azo yoki G‘arbiy Sohildan majburan olib chiqilishiga, G‘azoni qamal qilinishiga yoki G‘azo chegaralarini o‘zgartirilishiga yo‘l qo‘ymaydi», dedi.

Bu haqda u Misr prezidenti Abdulfattoh as-Sisiy bilan uchrashuv chog‘ida ma’lum qildi. Xarris G‘azodan Amerika fuqarolarini evakuatsiya qilish harakatlari uchun Misrga minnatdorchilik bildirdi.

COP28 iqlim sammiti doirasida Dubayda bo‘lib o‘tgan uchrashuvda Xarris tinchlik sa’y-harakatlari «falastin xalqining qayta tiklangan Falastin ma’muriyati ostida o‘z davlatini barpo etishi uchun aniq siyosiy istiqbol kontekstida amalga oshirilsagina muvaffaqiyat qozonishi mumkinligini aytdi».

Vitse-prezident HAMAS G‘azoni nazorat qila olmasligini va AQSh G‘azodagi barcha garovga olinganlarni ozod qilish uchun «tinimsiz ta’qib»ni davom ettirishini ma’lum qildi.

Tayyorlagan: Сардор Юсупов

#AQSh #Isroil #Hamas #Kamala Xarris

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.